టైం చూసి బాంబు పేల్చిన మోడీ?

గత కొంతకాలం క్రితం వరకు బిజెపి( BJP ) జాతీయ నాయకత్వానికి సన్నిహితంగా మెలిగిన తెలంగాణ ముఖ్యమంత్రి కేసీఆర్( kcr ) కొంతకాలంగా దూరంగా ఉంటున్నారు.

అంతేకాక తీవ్ర స్థాయిలో విమర్శలు కూడా చేస్తున్నారు.

అయితే వీరిద్దరికి మధ్య ఎక్కడ చెడింది అన్న విషయంపై మాత్రం ఇప్పటివరకూ ఎక్కడా క్లారిటీ లేదు.అయితే ఆ సస్పెన్స్ కి ప్రధాని మోదీ( Prime Minister Modi ) ముగింపు పలికేశారు.

తన కళ్ళలోకి చూసే ధైర్యం లేకపోవడం వల్లే కేసీఆర్ తనను ఆహ్వానించడానికి రావడం లేదంటూ కీలక వ్యాఖ్యలు చేశారు.నిజాయితి గా తన మనసు విప్పుతున్నానంటూ గతం లోకి వెళ్లారు .రెండు సంవత్సరాల క్రితం తెలంగాణ లో మున్సిపల్ ఎన్నికల తర్వాత ఢిల్లీ వచ్చి తనను కలిసిన కేసిఆర్ రాజకీయ ప్రయాణంలో తాను అలసిపోయానని ,తన కుమారుడిని ముఖ్యమంత్రిని చేయడానికి సహకరించాలంటూ నన్ను కోరారు.అయితే ఇది ప్రజాస్వామ్య దేశం అని రాచరికం కాదని ఇందులో యువరాజులంటూ ఎవరూ ఉండరని నేను తేల్చి చెప్పాను .అంతేకాకుండా కేసీఆర్ కుటుంబం చేసిన అవినీతిపై కూడా నేను కేసీఆర్ ముఖాన్నే ప్రశ్నించాను .అందువల్ల అప్పటి నుంచి నన్ను కలవడానికి ఆయనకు మొహం చేల్లడం లేనట్లు ఉందంటూ కీలక వ్యాఖ్యలు చేశారు .