సింగపూర్ నేషనల్ యూనివర్సిటీలో విజిటింగ్ ఫ్యాకల్టీగా భారత సంతతి ప్రొఫెసర్.. ఎవరీ జస్జిత్ సింగ్ ..?

సింగపూర్‌లోని ప్రఖ్యాత నేషనల్ యూనివర్సిటీ ఆఫ్ సింగపూర్‌లో( National University of Singapore ) యూకేలో స్థిరపడిన భారత సంతతికి చెందిన విద్యావేత్త జస్జిత్ సింగ్( Jasjit Singh ) విజిటింగ్ ఫ్యాకల్టీగా నియమితులయ్యారు.సిక్కు మత విశ్వాసాలపై ఉపన్యాసాలు నిర్వహించడం, అంతర్జాతీయంగా సిక్కుల జీవన విధానంపై విద్యార్ధులకు అవగాహన కల్పించడం ఆయన విధి.

51 ఏళ్ల జస్జిత్ సింగ్ ప్రస్తుతం యూకేలోని లీడ్స్ యూనివర్సిటీలో అసోసియేట్ ప్రొఫెసర్‌గా విధులు నిర్వర్తిస్తున్నారు.సిక్కు అధ్యయనాలపై ఆయనకు అపార అనుభవం వుంది.

సింగ్ నియామకంపై నేషనల్ యూనివర్సిటీ ఆఫ్ సింగపూర్ డీన్, ఫ్యాకల్టీ ఆఫ్ ఆర్ట్స్ అండ్ సోషల్ సైన్సెస్ ప్రొఫెసర్ లియోనెల్ వీ( Professor Lionel Wee ) మాట్లాడుతూ.జస్జిత్ సిక్కు మత విశ్వాసాలు, అభ్యాసాలపై వర్సిటీలోని ఫ్యాకల్టీకి మరింత అవగాహన కల్పిస్తారని చెప్పారు.

సెంట్రల్ సిక్కు గురుద్వారా బోర్డ్ (సీఎస్‌జీబీ) సిక్కు అధ్యయనాలపై విజిటింగ్ ప్రొఫెసర్‌గా సింగ్ నియామకాన్ని బుధవారం ప్రకటించింది.భారత ఉపఖండం వెలుపల , ఆసియాలో మొట్టమొదటి విజిటింగ్ ప్రొఫెసర్‌షిప్ (ఛైర్), NUS FASS ఏర్పాటు చేయడం కోసం సీఎస్‌జీబీ 1.06 మిలియన్ సింగపూర్ డాలర్ల ఎండోమెంట్ ఫండ్‌ను సేకరించింది.