ఇండియన్ కమ్యూనిటీయే టార్గెట్‌గా బెదిరింపులు .. అప్రమత్తమైన కెనడా మేయర్లు , ప్రభుత్వానికి లేఖ

పీల్స్ రీజినల్ పోలీసులతో పాటు రాయల్ కెనడియన్ మౌంటెడ్ పోలీస్ (ఆర్‌సీఎంపీ) , స్థానిక పోలీస్ విభాగాలు పరిస్ధితి తీవ్రతను గుర్తించాయని మేయర్లు పేర్కొన్నారు.సీపీ 24 వార్తాఛానెల్ కథనం ప్రకారం.పీల్ పోలీసులు ఇటీవలే ఎక్స్‌టార్షన్ ఇన్వెస్టిగేటివ్ టాస్క్‌ఫోర్స్‌ను ప్రారంభించారు.

ఇది ప్రస్తుతం 16 దోపిడీ ఘటనల చుట్టూ వున్న పరిస్ధితులను పరిశీలిస్తోంది.నిందితులు బాధితుల పేర్లతో పాటు వారి ఫోన్ నెంబర్లు, చిరునామాలు, వ్యాపార సమాచారాన్ని తరచుగా తెలుసుకుంటారని పోలీసులు వెల్లడించారు.

ఆపై సోషల్ మీడియా ద్వారా వారిని సంప్రదించి డబ్బు డిమాండ్ చేస్తారని చెప్పారు.ఈ సమస్యకు ప్రాధాన్యత ఇవ్వాలని దోపిడీ బెదిరింపులను పరిష్కరించడానికి సమగ్ర వ్యూహాన్ని అమలు చేయడానికి ఫెడరల్ ఏజెన్సీలతో పాటు స్థానిక, ప్రాంతీయ అధికారులకు ఆదేశాలు ఇవ్వాలని మేయర్లు ప్రభుత్వాన్ని కోరారు.