ఆమ్లెట్ వర్సెస్ ఉడికించిన గుడ్డు.. రెండిటిలో ఆరోగ్యానికి ఏది బెస్ట్..?

మ‌న శరీరాన్ని అవసరమయ్యే ఎన్నో ముఖ్యమైన పోషకాలకు గుడ్డు పవర్ హౌస్ లాంటిది.నిత్యం ఒక గుడ్డును తీసుకోవడం వల్ల అనేక ఆరోగ్య ప్రయోజనాలు పొందవచ్చు.

వివిధ రోగాలకు దూరంగా ఉండవచ్చు.అయితే గుడ్ల‌ను కొందరు ఆమ్లెట్ ( Omelette ) రూపంలో తినడానికి ఇష్టపడతారు.

ఇంకొందరు ఉడికించిన గుడ్డు( Boiled Egg ) తింటారు.మరి ఆమ్లెట్ మరియు ఉడికించిన గుడ్డులో ఆరోగ్యానికి ఏది బెస్ట్ అని ఎప్పుడైనా ఆలోచించారా.? నిజానికి రెండూ ఆరోగ్యకరమే.రెండూ పోషక ప్రయోజనాలను కలిగి ఉంటాయి.

ఉడికించిన గుడ్లు ఆరోగ్యకరమైన ఎంపిక అవుతుంది.ఎందుకంటే బాయిల్డ్ ఎగ్ లో కేల‌రీలు త‌క్కువ‌గా ఉంటాయి.

ప్రోటీన్‌, ఐర‌న్‌, కాల్షియం, మెగ్నీషియం, జింక్, విట‌మిన్ డి, విట‌మిన్ ఎ, విట‌మిన్ బి12, విట‌మిన్ ఇ వంటి పోషకాలు, ఆరోగ్యకరమైన కొవ్వులు, ఒమేగా-3 కొవ్వు ఆమ్లాలు ఎక్కువ‌గా ఉంటాయి.మొత్తం తొమ్మిది అమైనో ఆమ్లాలను కలిగి ఉన్న కంప్లీట్ ప్రోటీన్ గుడ్డులో ఉంటుంది.

ఇది కండరాల మరమ్మత్తు మరియు పెరుగుదలకు, శ‌రీర బ‌రువు నిర్వాహ‌న‌కు తోడ్పడుతుంది.