హాస్య చక్రవర్తికి జేజేలు... 50 ఏళ్లపాటు నవ్వులు పూయించిన మహానుబావుడు!

హాస్య చక్రవర్తి అనగానే అందరి మదిలో ఒకే ఒక్క పేరు మెదులుతుంది.అవును, ఆయనే అల్లు రామలింగయ్య.

( Allu Ramalingaiah ) అల్లు అంటేనే హాస్యపు జల్లు అన్న మాదిరి ఆయన సినీ నట ప్రస్థానం సాగిందని చెప్పుకోవచ్చు.53 ఏళ్ళ కెరీర్‌లో దాదాపు 1000కి పైగా సినిమాల్లో నటించిన అల్లు రామలింగయ్య జయంతి ( Allu Ramalingaiah Jayanthi ) అక్టోబర్‌ 1వ సందర్భంగా ఆయన జీవితంలోని కొన్ని విశేషాల గురించి ఇపుడు తెలుసుకుందాం.ఇప్పటి తరం వారికి కూడా ఆయన పేరు తెలుసు అంటే, ఆయన ఎన్ని సినిమాలు చేసి, సినీ కళామతల్లికి సేవలు అందించాడో ఇక్కడ ప్రత్యేకంగా చెప్పాల్సిన పనిలేదు.

ఎంత మంది హాస్యనటులు ఉన్నా.అల్లు రామలింగయ్య హాస్యానికి ఉన్న ప్రత్యేకత వేరు.తన కెరీర్‌లో చేసిన వందల సినిమాల్లోని హాస్య పాత్రలన్నీ ఎంతో విభిన్నంగా, విలక్షణంగా ఉండడమే ఆయన ప్రత్యేకత.