బెటర్.కామ్ ఉద్యోగులకు భారీ షాక్.. ఎన్నారై నేతృత్వంలో కొలువులు తొలగింపు..

ఇళ్లు కొనడానికి రుణాలు లేదా ఆన్‌లైన్‌లో మోర్టగేజ్‌లు అందించే సంస్థ Better.com.భారత్‌కు చెందిన విశాల్ గార్గ్ ( Vishal Garg ) ఈ కంపెనీకి సీఈవో వ్యవహరిస్తున్నారు.

ఇటీవల ఆయన కొన్ని వివాదాస్పద నిర్ణయాలు తీసుకున్నారు.Better.comలో రియల్ ఎస్టేట్ బృందాన్ని తాజాగా తొలగించారు.

ఆ విభాగాన్ని పూర్తిగా మూసివేసినట్లు కూడా సమాచారం.తమ వ్యాపార విధానాన్ని మార్చుకుంటున్నామని, సొంత రియల్ ఎస్టేట్ ఏజెంట్లను కలిగి ఉండకుండా, ఇప్పుడు ఇతర ఏజెంట్లతో కలిసి పని చేస్తామని సీఈఓ తెలిపినట్లు తెలుస్తోంది.

ఈ ఉద్యోగాల కోత వల్ల ప్రభావితమైన కొంతమంది ఉద్యోగులు చాలా అసంతృప్తి వ్యక్తం చేస్తున్నారు నవంబర్‌లో వీరి జీతాలలో సగానికి పైగా కోత విధించారు.ఇలా తగ్గించిన తర్వాత తమకు చాలా తక్కువ లేదా పరిహారం అందలేదని వారు చెప్పారు.

వేతనాల కోత ( Salary Cuts ) వారి ఉద్యోగాలను కాపాడేందుకు దోహదపడుతుందని వారికి హామీ ఇచ్చారు.కానీ ఇప్పుడు అసలు ఉద్యోగమే తీసేశారు.