బాలకృష్ణ కి పిచ్చ పిచ్చగా నచ్చేసింది

పోయిన శుక్రవారం ప్రపంచవ్యాప్తంగా విడుదల అయిన కృష్ణ గాడి వీర ప్రేమ గాథ సినిమా నానీ కెరీర్ లో పెద్ద ఓపెనింగ్ ని తెచ్చిపెట్టింది.

భలే భలే మగాడివోయ్ తర్వాత నానీ కి అంతటి ఘన విజయం అందించిన ఈ సినిమాలో నానీ బాలకృష్ణ అభిమానిగా నటించిన విషయం తెలిసిందే.

ఈ విషయం మీద ప్రోమోలు కూడా విడుదల చేసి జనాలు మొదటి రోజు థియేటర్ కి వచ్చేలా చేసారు నిర్మాతలు సైతం.ట్రైలర్ లూ, పాటలూ , ప్రమోషన్ లూ కూడా పర్ఫెక్ట్ గా కుదరడం తో ఈ సినిమా విడుదల ముందర నుంచే మంచి పాజిటివ్ వైబ్రేషన్ తో సాగింది.

సినిమా విడుదల అయ్యాక హిట్ టాక్ తో నడుస్తోంది.ఇక నిన్న సాయంత్రం నందమూరి బాలకృష్ణ కోసం ‘కృష్ణగాడి వీర ప్రేమ గాథ’ స్పెషల్ షోను ఏర్పాటు చేశారు.

ఈ షో చూసిన బాలయ్య సినిమా బాగుందని యూనిట్‌ను మెచ్చుకున్నారట.తన అభిమానిగా నాని చేసిన ఎపిసోడ్స్‌ను బాగా ఎంజాయ్ చేశానని ఆయన అన్నారట.ఇక నాని నటనకు బాలయ్య ప్రత్యేక కితాబులు అందించినట్లు తెలుస్తోంది.14 రీల్స్ సంస్థ నిర్మించిన ఈ సినిమాకు హను రాఘవపూడి దర్శకత్వం వహించగా, మెహ్రీన్ హీరోయిన్‌గా నటించారు.