ఒకే గొంతు.. ఒకే మాట.. వైరల్ అవుతున్న ఆస్ట్రేలియా కవలలు..

Suma K

Senior Viral/Sports News Reporter

2025-04-23   12:57:25  IST

ఆస్ట్రేలియాకు( Australia ) చెందిన ఇద్దరు కవల అక్కాచెల్లెళ్లు బ్రిడ్జెట్ ( Bridgette ), పౌలా పవర్స్ ( Paula Powers ) ఇప్పుడు ఇంటర్నెట్‌లో ఓ రేంజ్‌లో వైరల్ అవుతున్నారు.

Ad

ఓ వార్తా సంస్థకు ఇంటర్వ్యూ ఇస్తూ వారు అక్షరాలా ఒకే గొంతుతో, ఒకే మాటతో మాట్లాడటమే దీనికి కారణం.

"ట్విన్నీస్" ( Twinnies ) అని ముద్దుగా పిలుచుకునే ఈ సిస్టర్స్ ఒకేసారి మాట్లాడటం, ఒకరి వాక్యాలు ఒకరు పూర్తి చేయడంతో చూసినవాళ్లు అవాక్కయ్యారు.అంతేకాదు మాటల్లో అదే స్వరం, అవే పదాలు, చివరికి చేతి కదలికలు కూడా ఒకేలా ఉండటంతో ఆశ్చర్యపోయారు.

ఇంతకీ వాళ్లు ఇంటర్వ్యూ ఎందుకు ఇచ్చారంటే.సన్‌షైన్ కోస్ట్‌లో ( Sunshine Coast ) జరిగిన ఒక భయంకరమైన సంఘటన గురించి చెప్పడానికి.

కారు ప్రమాదం తర్వాత తుపాకీతో ఒక వ్యక్తి బయటకి వచ్చాడని, వాడు కారు దొంగ అయుంటాడని వాళ్లు చెప్పారు.ఈ భయంకరమైన పరిస్థితి నుంచి తప్పించుకుని సురక్షితంగా పారిపోయిన తర్వాత వాళ్లు తమ అనుభవాన్ని 7 న్యూస్ టీమ్‌తో పంచుకున్నారు.

Advertisement

నిజానికి వాళ్లు చెప్పిన సంఘటన చాలా సీరియస్.కానీ అందరి దృష్టిని ఆకర్షించింది మాత్రం వాళ్లు మాట్లాడిన తీరే.వారి టైమింగ్ చాలా కచ్చితంగా ఉంది.

అక్షరాలా ఒకే పదాలను ఉపయోగించి ఒకే సమయంలో మాట్లాడారు.చూస్తున్న వాళ్లకు ఒకే వ్యక్తి మాట్లాడుతున్నట్లు అనిపించింది.

చాలామంది ఆన్‌లైన్‌లో ఇది చూసిన వార్తా ఇంటర్వ్యూలన్నింటిలోకెల్లా చాలా ఎంటర్‌టైనింగ్ అని కామెంట్ చేశారు.

ఈ వీడియో చూసి ఆన్‌లైన్‌లో రకరకాల కామెంట్స్ వస్తున్నాయి.ఒకరు కామెంట్ చేస్తూ.“ఇదే అతి గొప్ప ఇంటర్వ్యూ.

కనీసం 20 సెకన్ల పాటు చూడండి.” అన్నారు.

మరొకరు.వాళ్లు అలా మాట్లాడుతుంటే కూడా రిపోర్టర్ నవ్వకపోవడం ఆశ్చర్యంగా ఉందంటూ కామెంట్ చేశారు.

ఇంకొక యూజర్ అయితే.వాళ్లు మాట్లాడేటప్పుడు వారి మెదడు ఎలా పనిచేస్తుందో శాస్త్రవేత్తలు పరిశోధించాలని సూచించారు.

“వాళ్లు ఒకరి మాటలను మరొకరు తమ సొంత మాటల్లా ఎలా అర్థం చేసుకుని ప్రాసెస్ చేస్తున్నారో చూడటం అద్భుతం” అని మెచ్చుకున్నారు.కొందరైతే.

వారిద్దరి మధ్య ఉన్న బంధాన్ని ప్రశంసిస్తూ.వాళ్లు చాలా ఏళ్లుగా ఇలానే మాట్లాడుతున్నారని స్పష్టమవుతోందని అన్నారు.

ఈ కవలలు.ఆస్ట్రేలియాలో ఓ యానిమల్ రెస్క్యూ సెంటర్‌ను కూడా నడుపుతున్నారు.

గతంలో గుడ్ మార్నింగ్ బ్రిటన్ షోలో కూడా వీళ్లు కనిపించారు.అప్పటి హోస్ట్ పియర్స్ మోర్గాన్ ( Piers Morgan ) వారి ఇంటర్వ్యూ తన కెరీర్‌లోనే బెస్ట్ ఇంటర్వ్యూ అని ప్రశంసించారు.

తాము ఇలా ఒకేలా మాట్లాడటం ప్రాక్టీస్ చేయడం వల్ల కాదని, తమ మధ్య ఉన్న అనుబంధం వల్లే సహజంగా వస్తుందని ఈ అక్కాచెల్లెళ్లు చెప్పారు.మొత్తానికి వీరి లేటెస్ట్ ఇంటర్వ్యూ మరోసారి నెటిజన్లను ఆశ్చర్యపరిచి నవ్వులు పూయించింది.