పొరుగు రాష్ట్రాలకు ఆదర్శంగా ఏపీలో ప్రజల వద్దకే పాలన..!!

సాధారణంగా ఏ రాష్ట్రంలోనైనా ప్రభుత్వ పాలనలో పారదర్శకత, నాణ్యత గురించి తెలియాలంటే అక్కడి ప్రజలను అడిగే తెలుస్తుంది.

ప్రభుత్వం అందిస్తున్న సంక్షేమ పథకాలు ప్రజలకు ఏ స్థాయిలో అందుతున్నాయో ఆ రాష్ట్రానికి చెందిన ప్రజలే చెప్పాలి.

లేదా వాస్తవ పరిస్థితులను తెలుసుకునేందుకు ప్రభుత్వ కార్యాలయాలకు వెళ్లి చూస్తే అవగతం అవుతుంది.పొరుగు రాష్ట్రాల్లో ఎక్కడా చేసిన ప్రభుత్వ సేవలు పొందాలంటే పెద్ద పెద్ద క్యూలైన్లలో గంటల కొద్దీ వేచి చూడాల్సిన పరిస్థితులు నెలకొన్నాయి.

దరఖాస్తు తెచ్చుకునేందుకు గంటల తరబడి క్యూలో నిలబడాలి.దాన్ని నింపిన తరువాత సరైన ఆధారాలు, పత్రాలు జతచేసి సంబంధిత కార్యాలయంలో ఇవ్వాలి.

ఇచ్చిన తరువాత పని జరగని పక్షంలో స్థానిక నేతల చుట్టూ తిరిగి అధికారి చేయి తడిపితే తప్ప దరఖాస్తులకు మోక్షం కలిగే అవకాశం లేదని తెలుస్తోంది.కులం సర్టిఫికెట్ అయినా, నివాసం, బర్త్, డెత్, ఇన్ కం ఇలా ఏ సర్టిఫికెట్ కావాలన్నా ఇదే పరిస్థితులు ఉన్నాయని ప్రజల నుంచి విమర్శలు వినిపిస్తున్నాయి.

అయితే ఏపీ ప్రభుత్వం( AP Govt ) మాత్రం ఇతర ప్రభుత్వాలకు భిన్నంగా ఉందని చెప్పుకోవచ్చు.ఏపీలో ప్రతిదీ గుమ్మం ముందుకే వస్తాయనడంలో ఏ మాత్రం అతిశయోక్తి లేదు.

పెన్షన్లు మొదలు ప్రతి సంక్షేమ పథకం గడప ఎదుటకే వస్తాయి.గంటల తరబడి క్యూలైన్లలో నిలబడి అవస్థలు పడాల్సిన పని లేదు.

ప్రభుత్వం ప్రతిష్టాత్మకంగా తీసుకువచ్చిన గ్రామ సచివాలయ వ్యవస్థతో ప్రజలకు సంబంధించిన ప్రతి పనిని సచివాలయ ఉద్యోగులు, వాలంటీర్లు అత్యంత జాగ్రత్తగా నిర్వహిస్తారు.విద్యార్థులకు కావాల్సిన సర్టిఫికెట్ల నుంచి వృద్ధులు, వికలాంగులకు ఇచ్చే పెన్షన్ల వరకు ప్రతిదీ తెల్లవారేసరికే ఇంటి ముందుకు తీసుకువచ్చి అందిస్తున్నారు.