మూడు దశల్లో తెలంగాణ పంచాయతీ ఎన్నికలు  ? తేదీలు ఇవేనా ?

తెలంగాణలో గ్రామపంచాయతీ ఎన్నికలు ఎప్పుడు నిర్వహిస్తారనే విషయంపై చాలా కాలంగా ఆసక్తి అందరిలోనూ నెలకొంది.

ఇప్పటికే పంచాయతీ పాలకవర్గాల కాల పరిమితి ముగిసి ఆరు నెలలు దాటడంతో,  వెంటనే ఎన్నికలు నిర్వహించాలని రేవంత్ రెడ్డి ( Revanth Reddy )ప్రభుత్వం భావిస్తోంది.

దీనిలో భాగంగానే ఇప్పటికే అధికారులతో ఎన్నికల నిర్వహణకు సంబంధించిన అన్ని అంశాల పైన ఆయన చర్చించారు.వీలైనంత త్వరగా ఈ ఎన్నికలు నిర్వహించేందుకు తగిన ఏర్పాట్లు చేయాల్సిందిగా అధికారులకు సూచనలు చేశారు.

తెలంగాణలో మూడు దశల్లో ఎన్నికలు నిర్వహించాలని ప్రాథమికంగా నిర్ణయించినట్లు సమాచారం . సెప్టెంబర్ 21, 25 , 30 తేదీలలో ఎన్నికలు నిర్వహించేందుకు ఒక నిర్ణయానికి వచ్చినట్లు తెలుస్తోంది.ఈ మేరకు అధికారులు ఎన్నికలు నిర్వహించే తేదీలు,  ఓటర్ల జాబితా, ప్రస్తుత పరిస్థితి వంటి అన్ని అంశాలను పరిశీలిస్తున్నారు.