పంజాబ్ : ఎన్ఆర్ఐ కమీషన్‌కు ఛైర్మన్, సభ్యుల్ని నియమించండి .. సీఎం భగవంత్ మాన్‌కు ప్రతిపక్షనేత లేఖ

ఎన్ఆర్ఐలు ఎదుర్కొంటున్న సమస్యల పరిష్కారానికి కమీషన్‌కు అధికారం ఇవ్వడంతో పాటు కొత్త చట్టాలను రూపొందించే బదులు నియామకంపై ఎలాంటి నిర్ణయాలు తీసుకోకుండా కమీషన్ పనిని ప్రభుత్వం నిలిపివేసిందని పర్తాప్ ఆరోపించారు.ఇదే అంశాన్ని సీఎం భగవంత్ మాన్ సింగ్‌కు రాసిన లేఖలోనూ ఆయన లేవనెత్తారు.కమీషన్ మాజీ ఛైర్మన్ జస్టిస్ శేఖర్ ధావన్ ( Justice Shekhar Dhawan )పదవీ కాలం ఈ ఏడాది ఫిబ్రవరితో ముగిసిందని, ఆయనతో పాటు సభ్యులుగా వున్న ఎంపీ సింగ్, గుర్జిత్ సింగ్ లెహల్, సవీందర్ సింగ్ సిద్ధూ, హర్దీప్ సింగ్ థిల్లాన్‌లు తమ పదవీ కాలాన్ని పూర్తి చేశారని పర్తాప్ గుర్తుచేశారు.

నాటి నుంచి పాత కేసులను విచారించడానికి, ఆదేశాలు జారీ చేయడానికి, కొత్త ఫిర్యాదులను స్వీకరించడానికి లేదా అవసరమైన చర్యలు తీసుకోవడానికి ఎవరూ లేరని పర్తాప్ సింగ్ బజ్వా లేఖలో పేర్కొన్నారు.