నాలుగేళ్ల స్నేహానికి తెరదించేసిన అన్నా డీఎంకే

సనాతన ధర్మంపై స్టాలిన్ ( Stalin )చేసిన వ్యాఖ్యలను దేశవ్యాప్తంగాచర్చనీయాంశం గా మార్చిన బిజెపి అధికార స్టాలిన్ ప్రభుత్వం ఆత్మ రక్షణలో పడేటట్లుగా చేయగలిగింది.అంతేకాకుండా హిందువులకు ఇండియా కూటమి వ్యతిరేకమని ప్రచారం చేయటం ప్రారంభించింది.ఇదే ఊపులో ఆ పార్టీ రాష్ట్ర అధ్యక్షుడు అన్నా డీఎంకే అధ్యక్షురాలు జయలలిత మరియు ఆ పార్టీ ఐకానిక్ సింబల్ అయిన అన్నాదురై( Annadurai ) పై తీవ్ర వ్యాఖ్యలు చేయడంతో అన్నాడీఎంకే ఈ విషయాన్ని సీరియస్ గా తీసుకుంది .అంతేకాకుండా తన రాజకీయ ప్రయోజనాల కోసం అన్న డీఎంకే ను విచ్ఛిన్నం చేయడానికి చూస్తున్న భాజపా ఎత్తులను గమనిస్తున్న అన్నాడీఎంకే నాయకులు భాజపాను వదిలించుకోవాల్సిన సమయం ఆసన్నమైందని గుర్తించినట్లుగా తెలుస్తుంది.దాంతో ఆ పార్టీ జనరల్ సెక్రటరీ మునుస్వామి( Party General Secretary Munuswamy ) భాజపాతో తెగ తెంపుల ప్రకటన చేయగానే రాష్ట్రవ్యాప్తంగా అన్నా డీఎంకే శ్రేణులు టపాసులు పేల్చుకొని మిఠాయిలు పంచుకున్నారు .ద్రవిడ సిద్ధాంతాలకు అనుగుణంగా రాజకీయాలు చేసే తమిళనాడులో ఉత్తరాది నాయకుల పెత్తనం చెల్లదని మరో మారు నిరూపించినట్లయ్యింది >.