జాలి కోసం ఏడ్చే పిరికిదానిని కాదన్న అనసూయ.. విజయ్ పై కోపానికి అదే కారణమంటూ?

బుల్లితెర స్టార్ యాంకర్ అనసూయ( Anchor Anasuya ) సోషల్ మీడియాలో యాక్టివ్ కావడంతో పాటు నెగిటివ్ కామెంట్లకు తనదైన శైలిలో బదులివ్వడం ద్వారా వార్తల్లో నిలుస్తున్న సంగతి తెలిసిందే.

ఇన్ స్టాగ్రామ్ లో సుధీర్ఘ పోస్ట్ పెట్టిన అనసూయ ఆ పోస్ట్ లో నువ్వు ఎవరో నీకు తెలుసని నీ తప్పు నువ్వు తెలుసుకునే వరకు ఇలాగే చేస్తుంటానని ఆమె అన్నారు.

నా విషయంలో ఏది చేశావో దానిని మరిచిపోకుండా నీకు గుర్తు చేస్తూనే ఉంటానని అనసూయ తెలిపారు.ఈ విధంగా చేయడం వల్ల పెద్ద ఎత్తున నెగిటివిటీని ( Negativity ) ఎదుర్కొంటానని నాకు తెలుసని ఆమె చెప్పుకొచ్చారు.

అయినప్పటికీ నిజం, మంచితనం, భగవంతుడిపై నాకు నమ్మకం ఉందని అనసూయ పేర్కొన్నారు.వాటి నుంచి నేను మరింత శక్తిని పొందుతున్నానని ఆమె కామెంట్లు చేశారు.

ఏడ్చి గగ్గోలు పెట్టి సానుభూతి పొందాలని నేను భావించడం లేదని దానికి నేను వ్యతిరేకినని అనసూయ వెల్లడించారు.