బ్యాంకు లాకర్ కస్టమర్లకు అలర్ట్.. ఈ నెలలోగా అవి సబ్మిట్ చేయాల్సిందే..

లాకర్ అగ్రిమెంట్ల రెన్యువల్స్‌కు సంబంధించి రిజర్వ్ బ్యాంక్ ఆఫ్ ఇండియా (RBI) బ్యాంకులకు తాజాగా కీలక ఆదేశాలు ఇచ్చింది.లాకర్లు అనేవి చిన్న సేఫ్‌ బాక్స్ లాంటివి.

ప్రజలు బ్యాంకుల్లో ఉండే ఈ లాకర్లలో విలువైన వస్తువులను స్టోర్ చేయవచ్చు.2021, ఫిబ్రవరిలో కోర్టు ఆదేశాల తర్వాత ఆర్‌బీఐ ఈ సూచనలు చేసింది.లాకర్లను ఉపయోగించే వ్యక్తుల కోసం బ్యాంకులు సరైన ఒప్పందాన్ని కలిగి ఉండాలని ఆర్‌బీఐ కోరింది.

ఇండియన్ బ్యాంక్స్ అసోసియేషన్ అందించిన మోడల్ అగ్రిమెంట్‌ను ఉపయోగించుకోవాలని సూచించింది.ఈ ఒప్పందం కొత్త నిబంధనలు, సుప్రీంకోర్టు( Supreme Court ) ఇచ్చిన ఆదేశాలను అనుసరించాలి.

ఇప్పటికే ఉన్న లాకర్ కస్టమర్ల కోసం ఒప్పందాలను రెన్యువల్ చేయడానికి మొదటగా 2023, జనవరి 1 వరకు ఆర్‌బీఐ గడువు విధించింది.అయితే, ఆర్‌బీఐ దశలవారీగా ఈ గడువును 2023, డిసెంబర్ 31 వరకు పొడిగించింది.

బ్యాంకులు 2023, జూన్ 30 నాటికి 50% ఒప్పందాలను, 75% ఒప్పందాలను 2023, సెప్టెంబర్ 30 నాటికి రెన్యువల్ చేయాల్సి ఉంటుంది.