రాజశేఖర్‌కు కాజల్‌ నో చెప్పింది.. జీవిత ఆగ్రహం

ప్రస్తుతం స్క్రిప్ట్‌ వర్క్‌ జరుపుకుంటున్న ఈ చిత్రాన్ని త్వరలోనే సెట్స్‌ పైకి తీసుకు వెళ్లబోతున్నారు.ప్రస్తుతం క్వీన్‌ రీమేక్‌ను పూర్తి చేసే పనిలో ప్రశాంత్‌ వర్మ త్వరలోనే రాజశేఖర్‌తో సినిమా మొదలు పెట్టబోతున్నాడు.ఈ చిత్రంకు హీరోయిన్‌గా కాజల్‌ను ప్రశాంత్‌ వర్మ అనుకున్నాడు.

కాని కాజల్‌ మాత్రం రాజశేఖర్‌తో నటించేందుకు ఆసక్తి చూపించడం లేదు.చిన్న హీరోలతో వరుసగా చిత్రాలను చేస్తున్న ఈమె రాజశేఖర్‌కు పెద్దగా క్రేజ్‌ లేదని, ఆయనతో సినిమా చేయడం వల్ల తన క్రేజ్‌ తగ్గుతుందని భావిస్తున్నట్లుగా తెలుస్తోంది.

అందుకే కాజల్‌ ఈ ఆఫర్‌ను తిరష్కరించినట్లుగా సమాచారం అందుతుంది.మొదట దర్శకుడు ప్రశాంత్‌ వర్మ మాట్లాడిన సమయంలో నిర్మొహమాటంగా నో చెప్పిన కాజల్‌ ఆ తర్వాత జీవిత మాట్లాడటంతో తాను వేరే ప్రాజెక్ట్‌లతో బిజీగా ఉన్న కారణంగా మీ చిత్రంలో నటించలేను అంటూ చెప్పిందట.

బెల్లంకొండ శ్రీనివాస్‌ వంటి చిన్న హీరో చిత్రంలో నటిస్తున్న కాజల్‌ తమ సినిమాలో నో చెప్పడంతో జీవిత చాలా ఆగ్రహంగా ఉన్నట్లుగా తెలుస్తోంది.కాజల్‌కు మంచి పారితోషికం ఆఫర్‌ చేసినా కూడా నో అన్నదంటూ సమాచారం అందుతుంది.