యూఎస్ కాంగ్రెస్‌లో పెరిగిన ‘సమోసా’ కాకస్ బలం .. అసలేంటిది?

అమెరికా రాజకీయాల్లో భారతీయుల ప్రాబల్యం నానాటికీ పెరుగుతున్న సంగతి తెలిసిందే.

కౌన్సిలర్లుగా, మేయర్లుగా, సెనేటర్లుగా , ప్రతినిధుల సభ సభ్యులుగా, మంత్రులుగా, ఏకంగా ఉపాధ్యక్షురాలిగా పనిచేసిన సత్తా మనది.

అంతేకాదు.ఎన్నికల్లో గెలుపొటములను ప్రభావితం చేసే స్థాయిలో భారతీయులు ఉన్నారు.

ఈసారి కమలా హారిస్ ( Kamala Harris )స్వయంగా అధ్యక్ష బరిలో నిలవడంతో అందరి చూపు ఆమెపైనే నిలిచింది.నవంబర్ 5న అధ్యక్ష ఎన్నికలతో పాటు సెనేట్, ప్రతినిధుల సభ , రాష్ట్రాల చట్ట సభలు, లోకల్ బాడీలకు కూడా ఎన్నికలు జరిగాయి.

వీటిలో పలువురు భారతీయులు జయకేతనం ఎగురవేశారు.అన్నింటికి మించి ఈసారి అమెరికా ప్రతినిధుల సభలో భారతీయుల బలం 6కి పెరిగింది.

ఇప్పటి వరకు శ్రీథానేదర్, రాజా కృష్ణమూర్తి, రో ఖన్నా, డాక్టర్ అమీబేరా, ప్రమీలా జయపాల్ ( Srithanedar, Raja Krishnamurthy, Ro Khanna, Dr.Amibera, Pramila Jayapal )ఉండగా.తాజాగా న్యాయవాది, భారత సంతతికి చెందిన సహాస్ సుబ్రహ్మణ్యం వర్జీనియా 10వ కాంగ్రెస్ డిస్ట్రిక్ట్ నుంచి విజయం సాధించారు.

అంతేకాదు.అమెరికా తూర్పు తీర ప్రాంతం నుంచి ప్రతినిధుల సభకు ఎన్నికైన తొలి భారత సంతతి నేతగా సుహాస్ చరిత్ర సృష్టించారు.