ఫిలిప్పీన్స్‌లో దారుణం ..భారతీయ యువకుడిని కాల్చిచంపిన దుండగుడు

ఉద్యోగం వెతుక్కుంటూ ఫిలిప్పీన్స్‌( Philippine )కు వెళ్లిన భారతీయ యువకుడిని విధి చిన్న చూపు చూసింది.ఓ దుండగుడు జరిపిన కాల్పుల్లో అతను ప్రాణాలు కోల్పోయాడు.

ఫిలిప్పీన్స్ రాజధాని మనీలాలో ఈ దారుణం జరిగింది.మృతుడిని పంజాబ్ రాష్ట్రం కపుర్తలా జిల్లా రంధావా గ్రామానికి చెందిన 25 ఏళ్ల నిషాన్ సింగ్‌( Nishan Singh )గా గుర్తించారు.

ఇతని మరణవార్తను మనీలాకు చెందిన ఓ స్నేహితుడు నిషాన్ కుటుంబ సభ్యులకు తెలియజేశాడు.జీవితంలో గొప్పస్థాయికి చేరుకుంటాడనుకున్న కొడుకు తిరిగిరాని లోకాలకు తరలిపోవడంతో అతని తల్లిదండ్రులు కన్నీరుమున్నీరుగా విలపిస్తున్నారు.

నిషాన్ మరణంతో రంధావా గ్రామంలోనూ విషాదఛాయలు అలుముకున్నాయి.