199 సినిమాలు రిలీజ్.. 26 మాత్రమే హిట్.. 2024 సంవత్సరం సక్సెస్ పర్సెంటేజ్ ఇదే!

2024 సంవత్సరం అభిమానులకు ఎంతో స్పెషల్ అనే సంగతి తెలిసిందే.

ఇతర ఇండస్ట్రీలతో పోల్చి చూస్తే మలయాళ సినీ ఇండస్ట్రీకి( Malayalam film industry ) గత కొన్నేళ్లలో ఊహించని స్థాయిలో క్రేజ్ పెరిగింది.

అయితే ఈ ఏడాది ఏకంగా 199 మలయాళ సినిమాలు రిలీజ్ కాగా ఆ సినిమాలలో హిట్టైన సినిమాలు కేవలం 26 మాత్రమే కావడం గమనార్హం.వినడానికి ఆశ్చర్యంగా అనిపించినా ఈ లెక్కలు ఇండస్ట్రీ వర్గాలను సైతం ఆశ్చర్యపరుస్తున్నాయి.

ఈ ఏడాది మలయాళ సినిమా ఇండస్ట్రీకి ఏకంగా 700 కోట్ల రూపాయల నష్టం వాటిల్లిందట. కేరళ ఫిల్మ్ ప్రొడ్యూసర్స్ ( Kerala Film Producers )నుంచి వెలువడిన ఈ ప్రకటన ప్రస్తుతం సోషల్ మీడియాలో హాట్ టాపిక్ అవుతోంది.

ఈ ఏడాది సినిమాల కోసం 1000 కోట్ల రూపాయలు ఖర్చు కాగా కేవలం 300 కోట్ల రూపాయలు మాత్రమే తిరిగొచ్చాయని కేరళ ఫిల్మ్ ప్రొడ్యూసర్స్ చెబుతున్నారు.హీరోల రెమ్యునరేషన్లు భారీగా పెరగడం వల్లే ఆదాయం తగ్గిందని నిర్మాతలు చెబుతుండటం కొసమెరుపు.