ఫిజిక్స్‌లో ఫెయిల్ అయిందని అంట్లు తోముకోమన్నారు.. కట్ చేస్తే ఫోర్బ్స్‌లో చోటు..!

హౌస్‌వైఫ్‌గా లేదా చిన్న జాబ్‌కి తప్ప నువ్వు దేనికి పనికిరావు అంటూ సంప్రీతి భట్టాచార్య(Sampreeti Bhattacharya) అనే యువతిని స్కూల్ డేస్‌లో టీచర్లు తిట్టిపోసేవారు.

కట్ చేస్తే ఈ యువతి ఇప్పుడు ప్రపంచాన్ని మార్చే విధంగా గొప్ప పారిశ్రామికవేత్త అయ్యింది.

స్కూల్‌లో చదువుతున్న రోజుల్లో సంప్రీతిని ఆమె ఫిజిక్స్ టీచర్ ఎగతాళి చేసేవారు.ఎందుకంటే ఒకసారి ఆమె ఫిజిక్స్‌లో ఫెయిల్ అయింది.

దానివల్ల హౌస్‌వైఫ్‌గా ఇంట్లో అంట్లు తోముకో, బట్టలు ఉతుక్కో వంటి కామెంట్స్‌ను ఆమె ఎదుర్కోవాల్సి వచ్చింది.ఇప్పుడు, చాలా సంవత్సరాల తరువాత, ఆమె కోల్‌కతాకు చెందిన ఒక పారిశ్రామికవేత్తగా అవతరించింది.

ప్రస్తుతం సంప్రీతి వినూత్నమైన ఆలోచనలు చేస్తూ ఎగిరే పడవలను నిర్మిస్తోంది.నేవియర్ 30 అని పిలిచే ఎలక్ట్రిక్ హైడ్రోఫాయిల్ (Electric hydrofoil)బోట్‌తో సముద్రయానాన్ని పూర్తిగా మార్చడానికి కృషి చేస్తున్న నేవియర్ (Navier) సంస్థను ఆమె స్థాపించి దానికి చీఫ్ ఎగ్జిక్యూటివ్ ఆఫీసర్‌గా వ్యవహరిస్తోంది.

రీసెంట్‌గా మీడియాతో మాట్లాడిన సంప్రీతి తాను విద్యార్థిగా ఫిజిక్స్‌ని ఇష్టపడ్డానని, తన ఫెయిల్యూర్ లేదా టీచర్ వ్యాఖ్యలు తనని ఆపలేదని తెలిపింది.హైస్కూల్ సమయంలో మాథ్స్‌లో కూడా తాను చాలా పూర్ అని సంప్రీతి వెల్లడించింది.