కేటీఆర్ ను అరెస్ట్ చేస్తారా ?

తెలంగాణ రాజకీయాలు రోజురోజుకు వేడెక్కుతున్నాయి.ముఖ్యంగా కాంగ్రెస్ బీఆర్ఎస్ మధ్య హోరాహోరీగా మాటల యుద్ధం జరుగుతోంది.

ముఖ్యంగా బీఆర్ఎస్ వర్కింగ్ ప్రెసిడెంట్ కేటీఆర్ ను( KTR ) టార్గెట్ చేసుకొని కాంగ్రెస్ నేతలంతా వరుసగా విమర్శలు చేస్తున్నారు.ఫోన్ ట్యాపింగ్ వ్యవహారంతో పాటు, టాలీవుడ్ హీరోయిన్ల అంశాన్ని తెరపైకి తెచ్చి కేటీఆర్ ను ఇరుకున పెట్టే ప్రయత్నం చేస్తున్నారు.

ఈ క్రమంలో కేటీఆర్ ను ఆధారాలతో సహా అరెస్టు చేసే అవకాశం ఉందన్న ప్రచారం ఇప్పుడు తెలంగాణ రాజకీయాల్లో హార్ట్ టాపిక్ గా మారింది.అయితే ఈ విషయాన్ని ముందుగానే పసిగట్టిన కేటీఆర్ అరెస్టుల వ్యవహారంపై తాజా గా స్పందించారు.

తాను అరెస్టు( Arrest ) కావడానికి రెడీ అని , పోలీసు అధికారులకు మిత్తితో సహా చెల్లిస్తానని ఆదిలాబాద్ లో కేటీఆర్ ప్రకటించారు.దీంతో కేటీఆర్ నోట అరెస్ట్ మాట రావడం చర్చనీయాంశం గా మారింది.

దీనికి కారణం ఒకటి రెండు రోజుల్లో బాంబులు పేలుస్తామని మంత్రి పొంగులేటి శ్రీనివాస్ రెడ్డి( Minister Ponguleti Srinivas Reddy ) సీయోల్ నుంచి ప్రకటించారు.