ట్రంప్ ఆశలపై నీళ్లు చల్లిన మోడీ.. మాజీ అధ్యక్షుడిని కలవకుండానే స్వదేశానికి

ట్రంప్ - మోడీ మంచి మిత్రులన్న సంగతి తెలిసిందే.ట్రంప్ అమెరికా ఫస్ట్, మోడీ మేక్ ఇన్ ఇండియా ప్రచారాలు ఇంచుమించుగా ఒకేలా ఉంటాయి.ముఖ్యంగా 2019లో అధ్యక్ష ఎన్నికలకు ముందు హ్యూస్టన్‌లో జరిగిన హౌడీ మోడీ ర్యాలీలో వారి అనుబంధం ప్రపంచం దృష్టిని ఆకర్షించింది.

ఆ సమయంలో ట్రంప్ రెండోసారి అధ్యక్షుడిగా పోటీ చేస్తున్నారు.నాడు ప్రవాస భారతీయులను ఉద్దేశిస్తూ.అబ్కీ బార్ , ట్రంప్ సర్కార్ (ఈసారి ట్రంప్ ప్రభుత్వం) అని మోడీ నినాదం చేశారు.

ఆ తర్వాత 2020లో అహ్మదాబాద్‌లో జరిగిన నమస్తే ట్రంప్ కార్యక్రమంలో ట్రంప్‌కు మోడీ ఆతిథ్యం ఇచ్చారు.నరేంద్ర మోడీ స్టేడియంలో జరిగిన సభకు లక్ష మందికి పైగా జనం వచ్చారు.

ఈ ఘటనలను మోడీ తన ఎన్నికల సభల్లో గర్వంగా చెప్పుకున్నారు.కానీ ఈసారి మాత్రం మోడీ నుంచి అబ్కీ బార్ ట్రంప్ సర్కార్ అనే మాటలు రాకపోవడం మాజీ అధ్యక్షుడిని షాక్‌కు గురిచేసింది.