Alla Ramakrishna Reddy : ఆర్కే కాంగ్రెస్ లోకి వెళ్లడం వైసీపీ లోకి రావడం వెనుక కారణాలు ఇవేనా ?

మంగళగిరి ఎమ్మెల్యే ఆళ్ల రామకృష్ణారెడ్డి( Alla Ramakrishna Reddy ) ఇటీవల వైసిపికి , ఎమ్మెల్యే పదవికి రాజీనామా చేసి మరి కాంగ్రెస్ పార్టీలో చేరిపోయారు.

వైఎస్ షర్మిల ఏపీ కాంగ్రెస్ అధ్యక్ష బాధ్యతలను స్వీకరించిన తరువాత తాను కూడా షర్మిల( Sharmila ) వెంట నడవబోతున్నట్లు ఆర్కే ప్రకటన చేశారు.

ఈ సందర్భంగా జగన్ , వైసిపిల పైన విమర్శలు చేశారు .అయితే అలా వెళ్ళిన ఆర్కే మళ్ళీ కొద్ది రోజుల్లోనే తిరిగి తన సొంత గూటికి చేరిపోయారు.వైసీపీ నుంచి కాంగ్రెస్ లోకి వెళ్లడం , మళ్లీ కాంగ్రెస్ నుంచి వైసీపీలో( YCP ) చేరడం వెనుక కారణాలు ఏమిటి అనేది అందరికీ ఆసక్తికరంగానే మారాయి.2014లో రాష్ట్రమంతా టిడిపి గాలి వీసినా మంగళగిరిలో ఆళ్ల రామకృష్ణారెడ్డి గెలుపొందారు.రాజధాని భూముల వ్యవహారాలలో అప్పటి టిడిపి ప్రభుత్వానికి ఆళ్ల రామకృష్ణారెడ్డి చుక్కలు చూపించారు .2019 ఎన్నికల్లో నారా లోకేష్ పై గెలుపొందడంతో ఆర్కే పేరు మారుమోగింది.