వామ్మో.. ఇంట్లో ఎటు చూసినా నోట్ల కట్టలే! (వీడియో)

బిహార్‌లో( Bihar ) అవినీతి భారీ ఎత్తున మరోసారి వెలుగు చూసింది.అవినీతి సొమ్ము నోట్ల కట్టలు బయటపడుతున్న కొద్దీ ప్రజల్లో ఆగ్రహం పెరుగుతోంది.

ఓ జిల్లా విద్యాశాఖ అధికారి రజనీకాంత్ ప్రవీణ్‌ ( Officer Rajinikanth Praveen )నివాసంపై విజిలెన్స్ అధికారులు భారీగా దాడులు నిర్వహించారు.ఈ దాడుల్లో నోట్ల కట్టలు, బంగారు నగలు, ఇతర విలువైన వస్తువులు వెలుగుచూశాయి.

బీహార్‌లోని బెట్టియాలో అక్రమ ఆస్తులు కూడబెట్టారనే ఫిర్యాదుల ఆధారంగా విజిలెన్స్ బృందం రజనీకాంత్ ప్రవీణ్ నివాసంతోపాటు, ఆయనకు సంబంధించిన పలు ప్రాంతాల్లో ఏకకాలంలో దాడులు నిర్వహించింది.బసంత్ ముఫాసిల్ పోలీస్ స్టేషన్ పరిధిలోని ఆయన అద్దె ఇంట్లో జరిగిన సోదాల్లో భారీ మొత్తంలో నగదు స్వాధీనం చేసుకున్నారు.

ఈ దాడులు బెట్టియాలో తీవ్ర కలకలం రేపాయి.