ఉదయం ఖాళీ కడుపుతో డ్రై ఫ్రూట్స్ తింటే ఏమవుతుంది.. లాభమా? నష్టమా?

డ్రై ఫ్రూట్స్ ( Dry fruits )లో ఎన్నో రకాలు ఉన్నాయి.

బాదం, పిస్తా, జీడిపప్పు, ఖర్జూరం, ఎండు ద్రాక్ష, వాల్ నట్స్, అంజీర్ ఇలా రకరకాల డ్రై ఫ్రూట్స్ మనకు అందుబాటులో ఉన్నాయి.

వేటికవే ప్రత్యేకమైన రుచిని, పోషకాలను కలిగి ఉంటాయి.అయితే అన్నిటినీ కలిపితే మిక్స్డ్ డ్రై ఫ్రూట్స్ అంటారు.

చాలా మంది ఉదయాన్నే ఖాళీ కడుపుతో మిక్స్ డ్రై ఫ్రూట్స్ ను తీసుకుంటారు.అసలు ఉదయం ఖాళీ కడుపుతో డ్రై ఫ్రూట్స్ తినవచ్చా.? తింటే ఏమవుతుంది.? లాభమా.? నష్టమా.? అన్న సందేహాలు ఎందరిలోనూ ఉన్నాయివాస్తవానికి ఉదయం ఖాళీ కడుపుతో మిక్స్డ్ డ్రై ఫ్రూట్స్ తినడం వల్ల ఆరోగ్యానికి చాలా మేలు జరుగుతుంది.ఎన్నో ప్రయోజనాలు చేకూరుతాయి.

డ్రై ఫ్రూట్స్ లో మినరల్స్, విటమిన్స్, ఒమేగా 3 ఫ్యాటీ యాసిడ్స్, ప్రోటీన్, ఫైబర్ వంటి పోషకాలు మెండుగా నిండి ఉంటాయి.అందువల్ల వాటిని డైట్ లో చేర్చుకుంటే ఎంతో మంచిది.

ముఖ్యంగా ఉదయం తీసుకోవడం వల్ల రోజంతా ఉల్లాసంగా, ఉత్సాహంగా ఉండడానికి కావాల్సినంత శక్తి శరీరానికి లభిస్తుంది.