కాంగ్రెస్ వర్సెస్ ఎంఐఎం తెర వెనక ఏం జరుగుతుంది ?

అందుకే కాంగ్రెస్పై సౌండ్ పెంచేశారు ఓవైసీ బ్రదర్స్ .కాంగ్రెస్ ను టార్గెట్ చేయడం ద్వారా ముస్లిం ఓటర్లను ఐఖ్యం చేసి గంపగుత్తగా తాము పోటీలో లేని చోట్ల బీఆర్ఎస్ కు షిఫ్ట్ చేయాలని ఒవైసీ బ్రదర్స్ ఆలోచనగా తెలుస్తుంది.కాంగ్రెస్ సిడబ్ల్యూసి సమావేశాలలో ఓల్డ్ సిటీకి చెందిన మస్కతి డైరీ చైర్మన్ అలీబిన్ ఇబ్రహీం మస్కతిని( Alibin Ibrahim Maskatini ) కాంగ్రెస్ పార్టీలోకి చేర్చుకున్నారు.

పాతబస్తీలో పలుకుబడి ఉన్న మహమ్మద్ అయూబ్ ఖాన్ ( Muhammad Ayub Khan ) తన కుమారులు శభాజ్ ఖాన్, అర్బజఖాన్ ల తో కలిసి పార్టీలో చేరారు.ఇలా ముస్లిం కీలక నేతలు కాంగ్రెస్ కి చేరువవుతుండడంతో ఇప్పుడు కాంగ్రెస్ కొత్త శత్రువుగా ఎంఐఎంకు మారినట్లుగా తెలుస్తుంది.

అందుకే ఓవైసీ అగ్రనేత రాహుల్ కి ఛాలెంజ్ చేశారు .దమ్ముంటే హైదరాబాద్ పార్లమెంటు నుంచి పోటీ చేసి గెలవాలంటూ సవాల్ చేశారు, గెలిచేది షేర్వానీ నా టోపీనా తేలిపోతుందన్నారు.అంతే కాకుండా అక్బరుద్దీన్ కూడా రేవంత్ రెడ్డి పై ఫైర్ అయ్యారు.

ఓవైసీలు మహారాష్ట్ర నుంచి వచ్చారన్న కాంగ్రెస్ నేతలు మాటలపై ఘాటుగా స్పందించారు రేవంత్ కూడా ఆర్ఎస్ఎస్ నుంచి వచ్చారని కాదని భాగ్యలక్ష్మి గుడి దగ్గర ప్రమాణం చేయాలంటూ ఛాలెంజ్ చేశారు.ఇలా కాంగ్రెస్ను టార్గెట్ చేయడం ద్వారా ముస్లిం ఓట్లను పోలరైజ్ చేయాలన్న ఆలోచన లో ఎంఐ ఎం ఉన్నట్లుగా తెలుస్తుంది.