వారంలో ఏ రోజు ఏ దేవుడికి ఏ పూజ చేయాలో తెలుసా?

వారంలో ఏ రోజు ఏ దేవుడికి ఏ విధంగా పూజ చేయాలో కొందరు అయోమయంలో ఉంటారు.ఏ వారం ఏ దేవునికి ప్రీతికరమైనది.

ఆ దేవునికి ఏ విధంగా పూజ చేయాలి? అలా చేయడం వల్ల కలిగే లాభాలు ఏమిటి అనేది ఇక్కడ తెలుసుకుందాం.

ఆదివారం:

ఆదివారం సూర్యునికి ఎంతో ప్రీతికరమైన రోజు.ఈరోజు సూర్య దేవుని ఆరాధించడం వల్ల ఆరోగ్యంతోపాటు జ్ఞాపక శక్తి పెరుగుతుంది.ఏ శుభకార్యం తలపెట్టినా నిర్విఘ్నంగా సాగుతుంది.

సూర్యభగవానునికి తెల్లటి ధాన్యమును.సమర్పించి పూజించడం వల్ల శుభ ఫలితాలు కలుగుతాయి.

సోమవారం:

సోమవారం అంటే చంద్రునికి సంబంధించిన వారం.సోమవారం శివునికి ఎంతో ప్రీతికరమైన రోజు.సోమవారం శివునికి మారేడు, బిల్వ దళాలతో పూజించడం వల్ల అనుకున్న పనులు నెరవేరుతాయి.

సిరి సంపదలు కలగాలని కోరుకునేవారు శివుని పూజించడం వల్ల వారికి సంపదలు కలుగుతాయి.

మంగళవారం:

మంగళవారం ఆంజనేయ స్వామిని, దుర్గామాతని పూజించడం వల్ల శుభ ఫలితాలు కలుగుతాయి.ఆరోగ్య సమస్యలు తగ్గేందుకు మంగళవారం ఖాళీ మాతను పూజించాలి.ఆంజనేయస్వామికి తమలపాకుల మాల, వడ మాలలతో అర్చన చేస్తే భయాలు, రోగాలు పోతాయని శాస్త్రం చెబుతోంది.

బుధవారం:

బుధవారం వినాయకుడికి అత్యంత ప్రీతికరమైన రోజు.బుధవారం వినాయకుడికి ఎర్ర మందారాలతో పూజించడంవల్ల అనుకున్న కార్యాలు నెరవేరుతాయి.చక్కటి ఆరోగ్యం ప్రాప్తిస్తుంది.

గురువారం:

గురువారం గురుగ్రహాన్ని, సాయిబాబాను పూజించాలి.సాయిబాబాను పూజించే వారు గురువారం పాల పదార్థాలతో నైవేద్యం సమర్పించాలి.పసుపు రంగు వస్త్రాలను దానం చేయడం ద్వారా శుభ ఫలితాలు కలుగుతాయి.

శుక్రవారం:

శుక్రవారం మహాలక్ష్మికి అత్యంత ప్రీతికరమైన రోజు.అదే విధంగా శుక్రవారం తులసి పూజ, గోపూజలు మంచి శుభ ఫలితాలను కలిగిస్తాయి.ఈరోజు ఇష్టదైవాన్ని భక్తి శ్రద్ధలతో ఆరాధిస్తే అష్ట ఐశ్వర్యాలు చేకూరుతాయి.

అమ్మవారికి ఎరుపు రంగు పూలతో పూజ చేయాలి.

శనివారం:

శనివారం అంటేనే సాక్షాత్తు కలియుగ దైవమైన వెంకటేశ్వర స్వామిని ఆరాధిస్తారు.అలాగే ఆంజనేయస్వామిని శనీశ్వరుని కూడా శనివారం పూజించవలెను.