డాలర్ డ్రీమ్స్‌కి చెక్ పెట్టేలా వున్నాడే.. నేనే అధ్యక్షుడినైతే ‘‘హెచ్1బీ’’ ఎత్తిపడేస్తా : వివేక్ రామస్వామి

అయితే వివేక్ రామస్వామి స్వయంగా ఈ వీసా ప్రోగ్రామ్‌ను 29 సార్లు ఉపయోగించారు.2018 నుంచి 2023 వరకు హెచ్1బీ వీసాల కింద ఉద్యోగులను నియమించుకోవడానికి వివేక్ మాజీ కంపెనీ రోవాంట్ సైన్సెస్ చేసిన 29 దరఖాస్తులను యూఎస్ సిటిజన్‌షిప్ అండ్ ఇమ్మిగ్రేషన్ సర్వీసెస్ (యూఎస్‌సీఐఎస్) ఆమోదించింది.అలాంటిది ఈ పథకాన్ని ఆయన చెడ్డదిగా అభివర్ణించడం కలకలం రేపుతోంది.

లాటరీ విధానాన్ని మెరిటోక్రాటిక్ అడ్మిషన్ ద్వారా భర్తీ చేయాలని వివేక్ వ్యాఖ్యానించినట్లుగా పొలిట్‌కో నివేదించింది.అలాగే యూఎస్ గొలుసు ఆధారిత వలసలను తొలగించాల్సిన అవసరం వుందని వివేక్ పేర్కొన్నారు.

కుటుంబ సభ్యులుగా వచ్చే వ్యక్తులు ఈ దేశానికి నైపుణ్య ఆధారిత సహకారాలు అందించే మెరిటోక్రాటిక్ వలసదారులు కాదన్నారు.