వైరల్: పాము తోక పట్టుకుని లాగుతున్న ఈ యువకుడిని ఏమనాలి?

ఈ వీడియోలో ఓ యువకుడు పాము తోక( Snake tail ) పట్టుకుని డాన్సులు వేశాడు.దాంతో నెటిజన్ల ఆగ్రహానికి గురయ్యాడు.ఇంటి పరిసరాల్లోకి వచ్చిన నాగుపాము తోకను పట్టకున్న అతను పక్కకు లాక్కొచ్చాడు.

అంతటితో దాన్ని వదిలేయకుండా.తోకను పట్టుకుని పాముతో ఓ ఆట ఆడుకోవాలని చూస్తాడు.

ఈ క్రమంలో దాన్ని రెచ్చగొడుతూ డాన్సులు వేస్తూ ఇబ్బంది పెడతాడు.ఒకానొక దశలో పాము అతడిపై బుసలు కొట్టి భయపెడుతుంది.

కానీ యువకుడు మాత్రం దాని కాటు నుంచి తప్పించుకుంటూ పామును ఇబ్బంది పెడుతూనే ఉంటాడు.ఆ పాము నా దారిని నన్ను వదిలేయరా బాబు అన్నట్టు చూస్తుంది కానీ వదలకుండా చిరాకు తెప్పిస్తాడు.

మధ్య మధ్యలో పాము చాలా సార్లు అతడిని కాటు వేయాలని ప్రయత్నిస్తుంది.అయితే అదృష్టం బాగుండి.

అతను దాని కాటు నుంచి తప్పించుకుంటాడు.చివరగా తోకను వదలడంతో పాము అక్కడి నుంచి పొదల్లోకి వెళ్లిపోతుంది.

ఇతడిపై నెటిజన్లు ఆగ్రహం వ్యక్తం చేస్తూ ఇలాంటి వారిని కఠినంగా శిక్షించాలి అంటూ కామెంట్లు చేస్తున్నారు.