వైరల్ వీడియో..చీనాబ్ రైల్వే వంతెనపై దూసుకెళ్లిన వందేభారత్..

జమ్మూకశ్మీర్‌లోని ప్రపంచంలోనే అత్యంత ఎత్తయిన చీనాబ్‌ రైల్వే వంతెన( Chenab Railway Bridge ) పై మరో చారిత్రక ఘట్టం ఆవిష్కృతమైంది.

ఈ ప్రతిష్టాత్మక వంతెనపై శనివారం తొలిసారిగా వందే భారత్‌ రైలు ప్రయాణించింది.

ఇందుకు సంబంధించిన వీడియోను భారత రైల్వే శాఖ షేర్ చేయగా, ప్రస్తుతం ఇది సోషల్ మీడియాలో వైరల్ గా మారింది.కాత్రాలోని శ్రీ మాతా వైష్ణోదేవి రైల్వే స్టేషన్‌ ( Shri Mata Vaishno Devi Railway Station )నుంచి శ్రీనగర్‌ వరకు వందే భారత్‌ రైలు ఫస్ట్‌ ట్రయల్ రన్ నిర్వహించబడింది.

ఈ మార్గంలో చీనాబ్ నది ప్రవహించటం వలన, ఈ రైలు చీనాబ్‌ వంతెన పై పరుగులు పెట్టింది.కాశ్మీర్‌లోని శీతల వాతావరణాన్ని తట్టుకునేలా ప్రత్యేకంగా రూపొందించిన ఈ వంతెన, నీరు గడ్డకట్టకుండా ఉంచేందుకు అత్యాధునిక హీటింగ్‌ వ్యవస్థలు అమర్చబడ్డాయి.

ట్రయల్ రన్ విజయవంతంగా పూర్తయిన అనంతరం, త్వరలోనే ఈ రైలు తన సేవలను ప్రారంభించనుంది.