స్వీడన్‌ నుంచి వెనక్కి తిరిగి వచ్చేస్తున్న ఇండియన్స్.. కారణలివే..?

గత కొన్ని దశాబ్దాలుగా చాలామంది భారతీయులు స్వీడన్‌కు( Sweden ) వెళ్లి అక్కడ ఉద్యోగాలు చేసుకుంటూ స్థిరపడుతున్నారు.కానీ, ఇప్పుడు ఆ పరిస్థితి మారింది.

చాలామంది భారతీయులు( Indians ) స్వీడన్ నుంచి తిరిగి భారతదేశానికి వెళ్తున్నారు.అంటే, స్వీడన్‌కు వెళ్లేవారి కంటే, స్వీడన్ నుంచి వచ్చేవారే ఎక్కువ అన్నమాట.

ఇది చాలా ఆశ్చర్యకరమైన విషయం.గత ఇరవై సంవత్సరాలలో మొదటిసారిగా, భారీ సంఖ్యలో భారతీయులు స్వీడన్‌ను వదిలి వెళ్తున్నారని స్టాటిస్టిక్స్ స్వీడన్( Statistics Sweden ) పాపులేషన్ డేటా తెలిపింది.

ఈ సంవత్సరం మొదటి ఆరు నెలల్లోనే, గత సంవత్సరం కంటే 171% ఎక్కువ మంది భారతీయులు స్వీడన్ ను వదిలి వెళ్లారు.అంటే, ఈ ఏడాది 2837 మంది భారతీయులు స్వీడన్ నుంచి వెళ్లిపోయారు.

ఇంత పెద్ద సంఖ్యలో ఒకే దేశానికి చెందిన ప్రజలు స్వీడన్ నుంచి వెళ్లిపోవడం ఇదే మొదటిసారి.చైనా, ఇరాక్, సిరియా దేశాల వారు కూడా స్వీడన్ నుంచి వెళ్తున్నప్పటికీ, భారతీయుల సంఖ్యే అత్యధికం.