గ్రామీణ నేపథ్యంలో సినిమాలు చేయాలంటే ఆ దర్శకుడి తర్వాతే ఎవరైనా?

హీరో కృష్ణతో ఎక్కువ సినిమాలు చేసిన డైరెక్టర్‌గా పి.సి.రెడ్డికి ఉంది.ఆయన దాదాపు కృష్ణతో 23 సినిమాలు చేశారు అంటే సామాన్యమైన విషయం కాదు.

మరో విషయం ఏమిటంటే.గ్రామీణ నేపథ్యంలో సినిమాలు చెయ్యడంలో పి.సి.రెడ్డికి ఒక ప్రత్యేక స్థానం ఉంది. కృష్ణ పంచెకట్టి ( Krishna )నటిస్తే ఆ సినిమా సూపర్‌హిట్‌ అనే సెంటిమెంట్‌ క్రియేట్‌ అవ్వడానికి పి.సి.రెడ్డే కారణం అని చెప్పుకోవచ్చు.అదేవిధంగా కమర్షియల్‌ హీరోగా మంచి స్వింగ్‌లో ఉన్న ఎన్టీఆర్‌తో ఓ వృద్ధ పాత్ర చేయించి బడిపంతులు అనే సినిమా చేసి విజయం సాధించారు పి.సి.రెడ్డి.ఇక ఆయన డైరెక్ట్‌ చేసిన సినిమాల్లో మానవుడు దానవుడు, పాడిపంటలు, ఇల్లు ఇల్లాలు, నాయుడు బావ, పట్నవాసం, భోగభాగ్యాలు, బంగారు భూమి, నా పిలుపే ప్రభంజనం వంటి సూపర్‌హిట్‌ హిట్‌ సినిమాలు ఎన్నో ఉన్నాయి.

పి.సి.రెడ్డి తన కెరీర్‌లో మొత్తం 80 సినిమాలకు దర్శకత్వం వహించారు. 2022 జనవరి 3న కొన్ని ఆరోగ్య సమస్యలు రావడంతో తుది శ్వాస విడిచారు.