కాణిపాక వరసిద్ధి వినాయకుడు ఎలా అవతరించాడో తెలుసా..?

సకల దేవ దేవతలలో ముందుగా వినాయకుడికి పూజ చేసిన అనంతరం ఎటువంటి కార్యాన్నైనా ప్రారంభించడం మన ఆచారంగా భావిస్తారు.అందుకే వినాయకుని మొదటి పూజ్యుడని పిలుస్తారు.

అదే విధంగా వినాయకుడిని పూజించడం వల్ల మనం చేసే కార్యాలలో ఎదురయ్యే ఆటంకాలు తొలగిపోతాయని భావించడం వల్ల ముందుగా వినాయకుడికి పూజ చేస్తారు.వినాయకుడి ఆలయాలు ఎన్నో ఉన్నప్పటికీ కాణిపాక వరసిద్ధి వినాయక ఆలయం ఎంతో ప్రసిద్ధి చెందినది.

మొట్టమొదటగా వినాయకుడు ఇక్కడే అవతరించాడని పురాణాలు చెబుతున్నాయి.అయితే ఈ వర సిద్ధి వినాయకుడి అవతరణ ఎలా జరిగిందో ఇక్కడ తెలుసుకుందాం.

పురాతన కథనం ప్రకారం ఆంధ్ర ప్రదేశ్ రాష్ట్రం, చిత్తూరు జిల్లాలో కాణిపాక గ్రామంలో ముగ్గురు సోదరులు ఉండేవారు.వారిలో ఒకరు మూగ, ఒకరు చవిటి, ఒకరు గుడ్డి వైకల్యం ఉండేది.

ఈ ముగ్గురు వ్యక్తులు వారికున్న పొలంలో తోటలో ఉన్న నీటి ద్వారా పంటలను సాగు చేసేవారు.కొద్ది రోజులకు ఆ బావి ఎండిపోవడంతో ఆ బావిను మరింత లోతుగా తవ్వాలని భావించారు.

ఈ నేపథ్యంలోనే ఈ బావిని తవ్వుతున్న క్రమంలో వారి గుణపానికి ఒక రాయి తగులుతుంది.అయితే ఆ రాయి నుంచి రక్తం కారడంతో వారు మరింత లోతుగా తవ్వడం వల్ల ఆ బావి నుంచి వినాయకుడు ఉద్భవిస్తాడు.