Accidental Shooting : అమెరికా: ప్రమాదవశాత్తూ తుపాకీతో కాల్చుకుని మరో బాలుడు మృతి..

అమెరికాలో తల్లిదండ్రులు తుపాకులు( Guns ) కొనుగోలు చేసి వాటిని పిల్లల నుంచి జాగ్రత్తగా దాచడం లేదు ఇలాంటి నిర్లక్ష్యాల వల్ల పిల్లలు తమను తాను కాల్చుకోవడం లేదంటే ఇతరులను కాల్చడం జరుగుతోంది.

దీనివల్ల అన్యాయంగా చిన్నపిల్లలు చచ్చిపోతున్నారు.

తాజాగా ఇలాంటి మరొక షాకింగ్ ఘటన గ్రీన్‌విల్లేలోని( Greenville ) బీచ్ స్ట్రీట్‌లో చోటు చేసుకుంది.ఈ ఏరియాలో తల్లిదండ్రులతో కలిసి నివసిస్తున్న 3 ఏళ్ల బాలుడికి ఇంట్లో ఓ తుపాకీ దొరికింది.

దానివల్ల తన ప్రాణాలు పోతాయని ఆ పిల్లోడికి తెలియదు.అటూ ఇటూ తిప్పుతూ చివరికి పొరపాటున తనని తానే కాల్చుకుని బాలుడు తీవ్రంగా గాయపడ్డాడు.

ఆ పిల్లోడిని ఆసుపత్రికి తరలించగా, అప్పటికే మరణించినట్లు వైద్యులు ధ్రువీకరించారు.యూఎస్‌లో తుపాకీ ప్రమాదాల కారణంగా చాలా మంది పిల్లలు చనిపోతున్నారు.

ఈ ఘటనల్లో సగానికి పైగా ప్రమాదాలు ఇంట్లోనే జరుగుతున్నాయి.కుటుంబాన్ని గౌరవించాలనే ఉద్దేశ్యంతో పోలీసులు తాజా సంఘటన గురించి ఎక్కువ సమాచారాన్ని పంచుకోలేదు.

ఇది చాలా బాధాకరమైన ప్రమాదమని వారు తెలిపారు.వారు ఎవరినీ నిందించలేదు.

తుపాకుల విషయంలో ప్రజలను మరింత జాగ్రత్తగా ఉండాలని కోరారు.