శ్రీవారికి ఎంత బంగారం ఉందో చెప్పినా తిరుమల తిరుపతి దేవస్థానం ఈవో..!

వారణాసిలో జరిగిన అంతర్జాతీయ దేవాలయాల సమావేశంలో పాల్గొన్న తిరుమల తిరుపతి దేవస్థానం ఈవో ధర్మారెడ్డి( TTD EO Dharma Reddy ) తిరుమల కు చెందిన చాలా ఆసక్తికర సమాచారం వెల్లడించారు.తిరుమల తిరుపతి దేవస్థానం( TTD ) వివిధ శాఖల సిబ్బంది విధివిధానాలు, స్వామి వారికి ఎంత బంగారం ఉంది? ప్రసాదాలలో ఎంత నెయ్యి వినియోగిస్తారు వంటి అంశాలను పవర్ పాయింట్ ప్రజెంటేషన్ ద్వారా ఈవో వెల్లడించారు.

దేశవ్యాప్తంగా తిరుమల తిరుపతి దేవస్థానం 71 దేవాలయాలను నిర్వహిస్తుందని ఈవో తెలిపారు.శ్రీవారికి అలంకరించే బంగారు ఆభరణాలు 1.2 టన్నులు, వెండి 10 టన్నులు ఉంటుందని వివరించారు.ఏడాదికి శ్రీవారికి 500 టన్నుల పుష్పాలతో అలంకరణ చేస్తున్నట్లు వెల్లడించారు.

తిరుమల తిరుపతి దేవస్థానంలో 24500 మంది ఉద్యోగులు ఉండగా దేవాలయంలో భక్తులకు సేవలు అందించడానికి రోజుకు 800 మంది సిబ్బంది విధుల్లో ఉంటారని తెలిపారు.శ్రీవారి ఆలయంలో ప్రసాదాల తయారీకి ప్రతి సంవత్సరం 500 టన్నుల నెయ్యి వినియోగిస్తామని వెల్లడించారు.

తిరుమల తిరుపతి దేవస్థానం పరిధిలో 600 ఎకరాల అడవి ప్రాంతం ఉందని వెల్లడించారు.