శ్రీవారి దర్శనం .. ఎన్ఆర్ఐ భక్తులకు టీటీడీ శుభవార్త , ఆ కోటా భారీగా పెంపు

ప్రపంచంలోనే అతిపెద్ద హిందూ ఆలయం, కలియుగ ప్రత్యక్ష దైవం శ్రీ వెంకటేశ్వరుడు కొలువైయున్న తిరుమల తిరుపతి దేవస్థానం ( Tirumala Tirupati Devasthanam )అంతర్జాతీయంగా ఖ్యాతి పొందింది.

ప్రతిరోజూ లక్షలాది మంది భక్తులు ఎన్నో వ్యయ ప్రయాసకోర్చి శ్రీవారిని దర్శిస్తుంటారు.

భక్తుల రాకతోనే కాదు, సంపద విషయంలోనూ తిరుమల ఆలయం ఎప్పటికప్పుడు కొత్త రికార్డులు సృష్టిస్తూనే ఉంది.అలాగే సంపన్నులు స్వామి వారికి భూరి విరాళాలతో పాటు కోట్ల విలువైన ఆభరణాలను బహుకరిస్తుంటారు.

రోజురోజుకు శ్రీవారి దర్శనానికి వచ్చే భక్తుల సంఖ్య పెరుగుతుండటంతో వారికి దర్శనం, బస వంటి ఏర్పాట్లు చేయడం తిరుమల తిరుపతి దేవస్థానం (టీటీడీ)కి కష్టమవుతోంది.దీనికి తోడు బ్రేక్ దర్శనాలు, సిఫారసు లేఖలతో టీటీడీ సతమతమవుతోంది.

స్వామి వారిని దర్శించుకునేందుకు రకరకాల టికెట్లు అందుబాటులో ఉన్నాయి.ఉచిత దర్శనం నుంచి విరాళాలు అందించే వారికి దర్శనం వరకు పలు విధానాలు అందుబాటులో ఉన్నాయి.