ఇకపై ఏపీలో అందుబాటులోకి వాట్సాప్ గవర్నెన్స్.. నెంబర్ ఇదే

ఆంధ్రప్రదేశ్ ప్రభుత్వం( Andhra Pradesh Govt ) పాలనను మరింత సులభతరం చేస్తూ, ప్రజలకు వేగంగా సేవలు అందించేందుకు వాట్సాప్ గవర్నెన్స్ సేవలను ప్రారంభించింది.

ఆంధ్రప్రదేశ్ రాష్ట్ర ఐటీ శాఖ మంత్రి నారా లోకేష్ ఈ సేవలను అధికారికంగా ప్రారంభించారు.

ఇకపై ప్రజలు తమ అవసరమైన ప్రభుత్వ ధృవపత్రాలను, సర్టిఫికెట్లను, ఇతర పౌరసేవలను వాట్సాప్( WhatsApp ) ద్వారానే పొందేలా ప్రభుత్వం చర్యలు తీసుకుంది.ఈ సేవల కోసం ప్రభుత్వం ప్రత్యేక నెంబర్ 9552300009ను విడుదల చేసింది.

ప్రజలు ఈ నెంబర్‌కు వాట్సాప్ ద్వారా సందేశం పంపి తమ అవసరమైన సేవలను పొందవచ్చు.ఇది దేశంలోనే తొలిసారిగా అమలు చేయబడుతున్న వాట్సాప్ ఆధారిత పాలన విధానం కావడం విశేషం.