వారికి గాజు గ్లాస్ గుర్తు.. కోర్టుకెక్కిన జనసేన 

జనసేన పార్టీ ( Janasena party ) ఎన్నికల గుర్తుగా ఉన్న గాజు గ్లాస్ గుర్తును స్వతంత్ర అభ్యర్థులకు కేటాయించడంపై జనసేన పార్టీ తీవ్ర అభ్యంతరం వ్యక్త చేస్తోంది.

జనసేన పార్టీ 21 అసెంబ్లీ, రెండు లోక్ సభ స్థానాల్లో పోటీ చేస్తుంది.

ఈ స్థానాల్లో పోటీ చేసే అభ్యర్థులకు గాజు గ్లాస్ గుర్తును కేటాయించగా , జనసేన పోటీలో లేని నియోజకవర్గాల్లో స్వతంత్ర అభ్యర్థులకు గాజు గ్లాసు గుర్తు కేటాయించడం పై జనసేనతో పొత్తు పెట్టుకున్న టీడీపీ, బీజేపీలు( TDP , BJP) తీవ్ర ఆందోళనలో ఉన్నాయి.జనసేన బలంగా ఉన్న నియోజకవర్గాల్లో ఆ పార్టీ పోటీ చేయకపోయినా, ఆ పార్టీ గుర్తుతో ఇతరులు పోటీ చేస్తే తమకు పడాల్సిన ఓట్లలో చీలిక ఏర్పడుతుందనే ఆందోళన వారిలో కనిపించింది.

గాజు గ్లాసు గుర్తును ఫ్రీ సింబల్స్ జాబితాలో ఎన్నికల సంఘం పెట్టడంతోనే ఇదంతా జరిగింది.