యూకే బాస్ దారుణం.. గర్భిణీ అని కూడా చూడకుండా ఉద్యోగం నుంచి పీకేశాడు.. కానీ చివరకు?

పని చేసే చోట ఆడవాళ్లకు ఎంత కష్టం ఉంటుందో చెప్పడానికి ఈ ఘటన ఒక ఉదాహరణ.

ముఖ్యంగా గర్భవతులుగా ఉన్నప్పుడు వాళ్లకు ఎన్ని ఇబ్బందులు వస్తాయో మనకు తెలుసు.

అలాంటి సమయంలో ఒక కంపెనీ ఓ ఉద్యోగినిని తీవ్రంగా వేధించింది.చివరకు ఆ ఉద్యోగి కోర్టుకు వెళ్లి తన హక్కుల్ని గెలుచుకుంది.

వివరాల్లోకి వెళ్తే, పౌలా మిలుస్కా(Paula Miluska) అనే ఆమె బిర్మింగ్‌హామ్(Birmingham) లో ఇన్వెస్ట్‌మెంట్ కన్సల్టెంట్ గా పనిచేసేది.రోమన్ ప్రాపర్టీ గ్రూప్ లిమిటెడ్(Roman Property Group Limited) అనే కంపెనీలో జాబ్ చేసేది.2022, అక్టోబర్ నెలలో తను గర్భవతి అని తెలిసింది.దాంతో ఆమె ఆనందానికి అవధులు లేకుండా పోయాయి కానీ నవంబర్ వచ్చేసరికి అసలు సమస్య మొదలైంది.

పౌలాకు మార్నింగ్ సిక్నెస్ బాగా ఎక్కువైపోయింది.వాంతులు, నీరసంతో ఆఫీసుకు వెళ్లడం కూడా కష్టమైంది.

డాక్టర్లు రెస్ట్ తీసుకోమని చెప్పారు.దాంతో ఇంటి నుంచి వర్క్ ఫ్రమ్ హోమ్(Work from home) చేసుకోవడానికి పర్మిషన్ అడిగింది.

తన బాస్ పేరు అమ్మర్ కబీర్.అతనికి మెసేజ్ పెట్టింది.

"నాకు మార్నింగ్ సిక్నెస్ ఎక్కువగా ఉంది.మిడ్ వైఫ్ కూడా ఇంటి నుంచే పని చేయమని చెప్పారు.

ఆఫీసుకు రావాలంటే హెల్త్ అండ్ సేఫ్టీ అసెస్‌మెంట్ కూడా చేయాలి." అని అడిగింది.

కానీ ఆ బాస్ మాత్రం ఏ మాత్రం పట్టించుకోలేదు.నవంబర్‌లో మెసేజ్ పెడితే 26వ తేదీ వరకు కనీసం ఎలా ఉన్నావని కూడా అడగలేదు.

ఆ తర్వాత ఒక మెసేజ్ పెట్టాడు."ఎలా ఉన్నావ్?" అని అడిగాడు.మళ్లీ నెక్స్ట్ డే ఇంకో టెక్స్ట్ మెసేజ్.

"వచ్చే వారం కొన్ని రోజులు ఆఫీసుకు రా.సాయంత్రం 4 గంటల వరకు పనిచేస్తే చాలు" అని చెప్పాడు.