సైడ్ అయిన ముగ్గురు అధినేతలు !

జాతీయ రాజకీయాలు రసవత్తరంగా మారుతున్నాయి.ఎన్నికలు దగ్గర పడుతుండడంతో కాంగ్రెస్, బీజేపీ పార్టీలు పొత్తుల విషయంలో అమలు చేస్తున్న వ్యూహాలు అందరి దృష్టిని ఆకర్షిస్తున్నాయి.

విపక్షాలలోని 26 పార్టీలతో కలిసి " INDIA " కూటమిని ఏర్పాటు చేసింది కాంగ్రెస్.అటు బీజేపీ కూడా ఎన్డీయే కూటమిలో మిత్రా పక్షాలను ఓ కంట కనిపెడుతూ నిన్న 36 పార్టీల అధినేతలతో సమావేశం కూడా నిర్వహించింది.

ఈ స్థాయిలో హాట్ హాట్ గా సాగుతున్న నేషనల్ పాలిటిక్స్ పై తెలుగు రాష్ట్రాలలోని ఆయా పార్టీల అధినేతలు మౌనం పాటిస్తున్నారు.

ఇక విపక్షాలు సైతం టీడీపీ వైసీపీ లను ఏమాత్రం కన్సిడర్ చేయడం లేదు.దాంతో ఏపీనుంచి ఒక్క జనసేన మినహా టీడీపీ వైసీపీ పాత్ర జాతీయ రాజకీయాల్లో ఈసారి పెద్దగా ఉండే అవకాశం లేనట్లే కనిపిస్తోంది.అటు తెలంగాణ విషయానికొస్తే మొదటి నుంచి కూడా బి‌ఆర్‌ఎస్ పార్టీ బీజేపీ, కాంగ్రెస్ లకు సమదూరం పాటిస్తూ వస్తోంది.

అందుకే అటు విపక్ష్ల బేటీకి గాని, ఇటు ఎన్డీయే కూటమి సమావేశానికి గాని బి‌ఆర్‌ఎస్ హాజరు కాలేదు.ఆహ్వానం కూడా అందలేదు.మొత్తానికి దేశ రాజకీయాలు ఆసక్తికరంగా మారుతున్న వేళ తెలుగు రాష్ట్రాలలోని అధినేతలు కొంత దూరం పాటించడం నిజంగా ఆశ్చర్యమే.