ఆడుకుంటూ అక్కను కాల్చిన చిన్నారి.. బొమ్మ తుపాకీ అనుకోవడంతో ఘోరం

అమెరికాలో ఎప్పుడు ఏ ఘోరం జరగుతుందో తెలియదు.అక్కడ నిత్యం తుపాకులు(Guns) పేలుతుంటాయి.

అమాయకులు ప్రాణాలు కోల్పోతుంటారు.తాజాగా అమెరికాలోని హ్యూస్టన్‌(Houston)లో హృదయ విదారక సంఘటన వెలుగులోకి వచ్చింది.

టెక్సాస్‌లోని హ్యూస్టన్‌కు సమీపంలో ఉన్న మూడేళ్ల బాలిక తన తల్లిదండ్రులు, మరో ఐదుగురు సమక్షంలో తన నాలుగేళ్ల సోదరిని కాల్చి చంపింది.బొమ్మ తుపాకీ అనుకుని నిజం తుపాకీని ఆ మూడేళ్ల బాలిక(three-year-old girl) పేల్చింది.

తనకు తెలియకుండానే తన కంటే ఏడాది పెద్దదైన నాలుగేళ్ల తన అక్క ప్రాణం తీసింది.దీనికి సంబంధించిన వివరాలిలా ఉన్నాయి.

హ్యూస్టన్‌లో ఈ ఘటన జరిగినప్పుడు తల్లి కిచెన్‌లో పని చేసుకుంటోంది.వారి కుమార్తెలిద్దరూ తమ గదిలో ఆడుకుంటున్నారు.

వారిలో ఒకరికి నాలుగేళ్లు కాగా మరో అమ్మాయికి మూడేళ్లు.చిన్న పాప తన సమీపంలోని లోడ్ చేసిన సెమీ ఆటోమేటిక్ పిస్టల్‌కు చేరుకుంది.

దానిని ఆడుకునే బొమ్మ అనుకుని తన అక్కకు గురి పెట్టి ట్రిగ్గర్ నొక్కింది.