Amit Shah : తెలంగాణ : వారికే ఎంపీ సీట్లు ! తేల్చి చెప్పేసిన అమిత్ షా 

మూడోసారి అధికారంలోకి వచ్చి హ్యాట్రిక్ విజయాన్ని సొంతం చేసుకోవాలనే పట్టుదలతో ఉన్న కేంద్ర అధికార పార్టీ బిజెపి బలహీనంగా ఉన్న రాష్ట్రాలపై ప్రత్యేకంగా దృష్టి సారించింది.

ఈ మేరకు తెలంగాణ పైన ప్రత్యేకంగా ఫోకస్ పెట్టింది .

ఇటీవల జరిగిన అసెంబ్లీ ఎన్నికల్లో బిజెపి ప్రభావం అంతంత మాత్రమే అన్నట్టుగా ఉండడంతో,  ఎంపీ స్థానాల్లోనైనా తమపట్టు నిలుపుకోవాలనే పట్టుదలతో కేంద్ర బీజేపీ పెద్దలు ఉన్నారు.ఈ మేరకు ఢిల్లీ బిజెపి కేంద్ర కార్యాలయంలో కేంద్ర హోం మంత్రి అమిత్ షా,  బిజెపి జాతీయ అధ్యక్షుడు జేపీ నడ్డా( JP Nadda) సమక్షంలో తెలంగాణ కోర్ కమిటీ సమావేశాన్ని నిర్వహించారు.

ఈ భేటీలో తెలంగాణ పార్టీ వ్యవహారాల ఇన్చార్జి చంద్రశేఖర్ , సునీల్  బన్సల్ , బిజెపి సంస్థాగత వ్యవహారాల కార్యదర్శి శివ ప్రకాష్, తెలంగాణ బిజెపి అధ్యక్షుడు కిషన్ రెడ్డి , సీనియర్ నేతలు బండి సంజయ్, లక్ష్మణ్, డికె అరుణ, జితేందర్ రెడ్డి ,ఈటెల రాజేందర్ తదితరులు హాజరయ్యారు.