బస్సు యాత్రలకు అంతా రెడీ చేసుకున్న టి. కాంగ్రెస్ !

బీజేపీ ,బీఆర్ఎస్ పార్టీలపై( BJP BRS party ) పై చేయి సాధించాలనే పట్టుదలతో ఉన్న కాంగ్రెస్,  వచ్చే ఎన్నికల్లో కాంగ్రెస్ ను అధికారంలోకి తీసుకువచ్చేందుకు రకరకాల వ్యూహాలు పన్నుతోంది .

ఓటర్లకు దగ్గరయ్యే విధంగా అనేక కార్యక్రమాలకు శ్రీకారం చుట్టింది.

దీనిలో భాగంగానే తెలంగాణలో వినూత్నంగా ప్రచారం చేపట్టేందుకు సిద్ధమవుతోంది.  నేరుగా బహిరంగ సభలు నిర్వహించడం కన్నా,  బస్సు యాత్రల ద్వారా  ప్రజల దగ్గరికి వెళ్లి వారితో ముచ్చటించాలని నిర్ణయించుకుంది .దీనిలో భాగంగానే బస్సు యాత్రలకు ఎక్కువగా ప్రాధాన్యం ఇవ్వాలని నిర్ణయించుకుంది.  ఈ మేరకు మూడు విడతల్లో బస్సు యాత్ర చేపట్టాలని తెలంగాణ కాంగ్రెస్ నిర్ణయించింది.  తొలివిడతో బస్సు యాత్రను కాంగ్రెస్ అగ్ర నేత రాహుల్ గాంధీ ( Rahul Gandhi )నిర్వహిస్తున్నారు .18వ తేదీన బస్సు యాత్ర( Bus trip ) ములుగు జిల్లాలో ప్రారంభమై,  నిజామాబాదులో ఈ నెల 20వ తేదీన ముగియనుంది.