సూట్‌కేస్‌తో ఇండియాకి వచ్చేసిన జపాన్ టెకీ.. ఏడాదిలో లైఫ్ మార్చేసిన 3 పాఠాలు..?

1.మార్పుకు సిద్ధపడటం ( Adapting to Change ):

స్థిరంగా ఉండాలని కోరుకోవడం కంటే, నిరంతరం వస్తున్న మార్పుల ద్వారానే అసలైన విలువను సృష్టించవచ్చని నేర్చుకున్నారు.అంటే, పరిస్థితులకు తగ్గట్టు మారడమే ఇక్కడ సక్సెస్ మంత్రం అన్నమాట.

2.తట్టుకునే శక్తి ( Resilience ):

ఇండియా ఎప్పుడు ఎలా ఉంటుందో ఊహించడం కష్టం, కానీ అదే సమయంలో చాలా చురుగ్గా, శక్తివంతంగా ఉంటుందని గ్రహించారు.ఈ ఊహించని తనం, ఈ చైతన్యమే తనలో ఎలాంటి పరిస్థితినైనా తట్టుకుని నిలబడే శక్తిని పెంచిందట.

3.యువత ఉత్సాహం ( Youthful Ambition ):

ఇక్కడి యువతరంలో ఉన్న పాషన్, ఏదో సాధించాలనే తపన, ఎనర్జీ చూసి ఆయనకు ఎంతో స్ఫూర్తి కలిగిందట.వాళ్ల ఉత్సాహమే తనను కూడా నిత్యం ముందుకు నడిపిస్తోందని చెప్పుకొచ్చారు.

"నేను ఇంకా నేర్చుకుంటూనే ఉన్నాను, కానీ మనమందరం కలిసికట్టుగా భవిష్యత్తును నిర్మిద్దామని నమ్ముతున్నాను" అంటూ తన పోస్ట్‌ను పాజిటివ్‌గా ముగించారు నిషియామా.ఆయన ధైర్యాన్ని, కొత్త విషయాలు నేర్చుకోవాలనే తపనను (ఓపెన్-మైండెడ్‌నెస్) మెచ్చుకుంటూ నెటిజన్లు కామెంట్ల వర్షం కురిపించారు.

ఆయన పోస్ట్‌కు ఏకంగా 7,000కు పైగా రియాక్షన్లు, 400కు పైగా కామెంట్లు వచ్చాయంటే.ఆయన స్టోరీ ఎంతగా కనెక్ట్ అయిందో అర్థం చేసుకోవచ్చు.