“టిడిపి-జనసేన” చిక్కబడుతున్న బంధం!

ఆంధ్రప్రదేశ్లో రానున్న అసెంబ్లీ ఎన్నికలలో జనసేన తెలుగుదేశం( Janasena ,Telugu Desam party ) కూటమి విజయం పై అనేక ఊహాగానాలు, అంచనాలు ప్రచారం లో ఉన్నాయి.

ఈ పొత్తు విన్నింగ్ కాంబినేషన్ అని మెజారిటీ రాజకీయ పరిశీలకులు అంచనా వేస్తున్నా, ఈ రెండిటికి సాంప్రదాయకంగా వస్తున్న ఓటు బ్యాంకుల మధ్య సఖ్యత పొత్తు కి చాలా సమస్యలు కూడా ఉన్నాయన్న విశ్లేషణలు కూడా ఉన్నాయి.

ముఖ్యంగా జనసేనకు మద్దతిస్తున్న సామాజిక వర్గాలకు టిడిపి కి మద్దత్తు ఇస్తున్న సామాజిక వర్గాలకు మధ్య అంతరాలు దశాబ్దాలు నాటి వన్నది కొంతమంది అంచనా.దానితోపాటు 2019 ఎన్నికలలో ఈ రెండు పార్టీల మధ్య కొంత యుద్ద వాతావరణం కూడా నడిచింది.

దాంతో ఈ రెండు పార్టీల పొత్తు క్షేత్రస్థాయిలో ఏ మేరకు బలపడుతుందన్న దానిని బట్టే వచ్చే ఎన్నికల్లో ఫలితాలు ఆధారపడి ఉంటాయని మెజారిటీ రాజకీయ విశ్లేషకులు అంచనా వేశారు.ఇప్పుడు ఈ రెండు పార్టీలు కూడా దీనిపైన ప్రధానంగా దృష్టి పెట్టినట్లుగా తెలుస్తుంది.

ఈనెల 23వ తారీఖున రాజమండ్రిలో టిడిపి ముఖ్య నేత లోకేష్( Lokesh ) జనసేన అధ్యక్షుడు పవన్ కళ్యాణ్ ( Pawan Kalyan )మధ్య కీలక సమావేశం జరిగింది.ఇప్పుడు దానికి కొనసాగింపుగా జిల్లాల వారి సమన్వయ సమావేశాలు జరుగుతున్నాయి.