టి. కాంగ్రెస్ లో వారసుల సందడి ఎక్కువగా ఉందే ? ఎంపీ స్థానాలపై కన్ను

మరికొద్ది నెలల్లో జరగనున్న పార్లమెంట్ ఎన్నికల్లో అన్ని స్థానాల్లోనూ గెలవాలనే లక్ష్యంతో తెలంగాణ కాంగ్రెస్( Telangana Congress ) ఉంది .

ఇటీవల అసెంబ్లీ ఎన్నికల్లో కాంగ్రెస్ కు అనుకూలంగా ఫలితాలు వెలువడడం ,  అధికారంలోకి రావడంతో పార్లమెంట్ ఎన్నికల్లోను తమకు తిరుగుండదని ఆ పార్టీ లెక్కలు వేసుకుంటుంది.

దీంతో ఎంపీ స్థానాలకు భారీగా డిమాండ్ ఏర్పడింది పార్టీ సీనియర్ నాయకులు అంతా టిక్కెట్ల కోసం పోటీ పడుతుండగా,  ఇప్పుడు నాయకుల వారసులు కూడా టికెట్లు కోసం గట్టి ప్రయత్నాలు చేస్తున్నారు.కాంగ్రెస్ సీనియర్ నేత జానారెడ్డి( Senior leader Jana Reddy ) ఇప్పటికే టికెట్ ప్రకటించుకున్నారు.

వచ్చే పార్లమెంట్ ఎన్నికల్లో నల్గొండ నుంచి తాను లోక్ సభకు పోటీ చేస్తానని ప్రకటించారు.తాను పోటీకి దిగకపోతే తన కుమారుడు రఘువీర్ రెడ్డితో ( Raghuveer Reddy )పోటీ చేయించే ఆలోచనలు ఆయన ఉన్నారు.

రఘువీర్ 2018 లోనే మిర్యాలగూడ అసెంబ్లీ స్థానం నుంచి , నల్గొండ లోక్ సభ స్థానం నుంచి పోటీ చేయాలని ప్రయత్నించినా, అప్పట్లో అవకాశం దక్కలేదు.అయితే ఈసారి పోటీకి దింపాలని జానారెడ్డి ప్రయత్నిస్తున్నారు కోమటి రెడ్డి కుటుంబ సభ్యులలోనూ ఒకరిని పోటీకి దింపాలనే ప్రయత్నాలు జరుగుతున్నాయి.