న్యూయార్క్‌లోని స్వామి నారాయణ్ ఆలయంలో విధ్వంసం.. మోడీ పర్యటనకు ముందు కలకలం

న్యూయార్క్‌( New York )లోని మెల్‌విల్లేలో ఉన్న బీఏపీఎస్ స్వామి నారాయణ్ ఆలయంలో గుర్తు తెలియని వ్యక్తులు విధ్వంసం సృష్టించడం కలకలం రేపింది.

ఈ ఘటనను న్యూయార్క్‌లోని భారత కాన్సులేట్ కార్యాలయం ఖండించింది.

ఇది హేయమైన చర్య అని.ఎంత మాత్రం ఆమోదయోగ్యం కాదని , దీనికి కారణమైన వారిని చట్టం ముందు నిలబెట్టేందుకు యూఎస్ లా ఎన్‌ఫోర్స్‌మెంట్ అధికారులతో టచ్‌లో ఉన్నట్లు ఇండియన్ కాన్సులేట్ పేర్కొంది.మెల్‌విల్లే లాంగ్ ఐలాండ్‌లోని సఫోల్క్ కౌంటీలో ఈ ఆలయం ఉంది.16000 సీట్ల సామర్ధ్యం ఉన్న ప్రఖ్యాత నసావు వెటరన్స్ మెమోరియల్ కొలిజీయం నుంచి 28 కి.మీ దూరంలోనే ఆ దేవాలయం ఉంది.సెప్టెంబర్ 22న జరిగే మెగా కమ్యూనిటీ ఈవెంట్‌లో భారత ప్రధాని నరేంద్ర మోడీ( Narendra Modi ) ప్రసంగించనున్నారు.

అంతలోనే ఈ ఘటన జరగడం భారత్ - అమెరికాలలో దుమారం రేపింది.