ఎంబీబీఎస్ కోర్సుల్లో ఎన్ఆర్ఐ విద్యార్ధుల కోటా.. అసోం ప్రభుత్వానికి సుప్రీంకోర్టులో చుక్కెదురు

అసోంలోని హిమంత బిశ్వ శర్మ ప్రభుత్వానికి సుప్రీంకోర్ట్( Supreme Court ) షాకిచ్చింది.

ఆ రాష్ట్రంలో ఎంబీబీఎస్ కోర్సుల్లో( MBBS ) ప్రవేశాలకు సంబంధించి ఎన్ఆర్ఐ కోటాను నిలిపివేసింది.

ఈ మేరకు ఎన్ఆర్ఐ కోటాను( NRI Quota ) అమలు చేయడాన్ని తాత్కాలికంగా నిలిపివేస్తూ శుక్రవారం ఆదేశాలు జారీ చేసింది.అసోంలో ఎంబీబీఎస్ చదవాలనుకున్న ఎన్ఆర్ఐ విద్యార్ధి సీటుకు రూ.18 లక్షల చొప్పున చెల్లించడం, మెడికల్ సీట్ల రిజర్వేషన్లపై ఆందోళన వ్యక్తం చేస్తూ న్యాయవాది ఆదిజ్ జమాన్ ప్రజా ప్రయోజన వ్యాజ్యం దాఖలు చేశారు.దీనిపై విచారణ జరిపిన సర్వోన్నత న్యాయస్థానం పై విధంగా ఆదేశాలు జారీ చేసింది.

తదుపరి విచారణ జరిగే వరకు ఎన్ఆర్ఐ కోటాను నిలిపివేస్తూ ఉత్తర్వులు జారీ చేసింది.