మాజీ క్రికెటర్ నుంచి సర్ప్రైజింగ్ గిఫ్ట్ అందుకున్న సుదీప్.. ఊహించలేదంటూ ఎమోషనల్ పోస్ట్?

కన్నడ సూపర్ స్టార్ సుదీప్ కిచ్చా గురించి ప్రత్యేకంగా చెప్పాల్సిన పనిలేదు.ఈయన ఈగ సినిమాలో విలన్ పాత్రలో నటించి తెలుగు ప్రేక్షకులకు ఎంతో చేరువయ్యారు.

కన్నడ చిత్ర పరిశ్రమలో స్టార్ హీరోగా గుర్తింపు సంపాదించిన సుదీప్ త్వరలోనే విక్రాంత్ రోణ అనే భారీ బడ్జెట్ పాన్ ఇండియా చిత్రంతో ప్రేక్షకుల ముందుకు రానున్నారు.ఈ సినిమా జులై 28వ తేదీ ప్రేక్షకుల ముందుకురానుంది.

తాజాగా ఈ సినిమా నుంచి విడుదలైన ట్రైలర్ విశేషంగా ప్రేక్షకులను ఆకట్టుకుంటుంది.ఇక సుదీప్ కూడా ఈ సినిమా ప్రమోషన్ కార్యక్రమాల్లో బిజీగా ఉన్నారు.

ఇలా సినిమా ప్రమోషన్ కార్యక్రమాల్లో బిజీగా గడుపుతున్న సుదీప్ కి తన అభిమాన క్రికెటర్ నుంచి ఊహించని విధంగా బహుమానం రావడంతో ఈయన పట్టరాని సంతోషంలో ఉన్నారు.మరి ఆయన అభిమాన క్రికెటర్ ఎవరు ఆయన ఎలాంటి గిఫ్ట్ ఇచ్చారనే విషయానికి వస్తే ఆయన అభిమాన క్రికెటర్ మరెవరో కాదు ఇండియాకు మొట్టమొదటి ప్రపంచ కప్ సాధించి పెట్టిన కపిల్ దేవ్ కి సుదీప్ వీరాభిమాని.