రాజస్థాన్ సంక్షోభంపై సోనియా ఫోకస్

రాజస్థాన్ లో నెలకొన్న రాజకీయ సంక్షోభం నేపథ్యంలో ఆ రాష్ట్ర ముఖ్యమంత్రి అశోక్ గెహ్లోత్ పై కాంగ్రెస్ అధిష్టానం వేచిచూసే ధోరణా అవలంబించేలా కనిపిస్తోంది.

కాంగ్రెస్ అధ్యక్ష ఎన్నిక కోసం గెహ్లోత్ పేరు ప్రధానంగా తెరపైకి రావడం.

అప్పుడు ఆ‍యన ముఖ్యమంత్రిగా రాజీనామా చేయాల్సివస్తే సచిన్ పైలట్ ను ఆ స్థానంలో నియమిస్తారనే అంచనాల నేపథ్యంలో గెహ్లోత్ వర్గానికి చెందిన 82 మంది ఎమ్మెల్యేలు రాజీనామా అస్త్రాన్ని సంధించారు.అయితే ఈ పరిణామాల వెనుక గెహ్లోత్ ప్రమేయం ఏమీ లేదని కాంగ్రెస్ పరీశీలకులు తేల్చేసి ఆయనకు క్లీన్ చిట్ ఇచ్చారు.

అదేసమయంలో గెహ్లోత్ వర్గీయలైన ఇద్దరు మంత్రులు శాంతి ధావల్, ప్రతాప్ సింగ్ ఖచరియావాస్, చీఫ్ విప్ కలిసి నడిపారని.వారిపై చర్యలు తీసుకోవాలని అధిష్టానానికి సూచించారు.

ఈ మేరకు ఆ రాష్టా చీఫ్ విప్ తో పాటు ఆ ఇద్దరు మంత్రులకు అధిష్టానం షోకాజ్ నోటీసు జారీ చేసింది.తిరుగుబాదారులపై చర్య తీసుకోవాలని, పార్టీలో క్రమశిక్ష‎ణా రాహిత్యాన్ని అరికట్టాలని పరిశీలకుల సూచన మీదటే కాంగ్రెస్ అధినేత్రి సోనియా గాంధీ ‎ఈ నిర్ణయానికి వచ్చినట్లు తెలిపింది.

ఫలితంగా కాంగ్రెస్ జాతీయ అ‎ధ్యక్షుడి ఎన్నిక వరకూ గెహ్లోత్ నే సీఎం పదవిలో కొనసాగింవచ్చునని పరిశీలకులు భావిస్తున్నారు.