ఆస్ట్రేలియాలో జాతి విద్వేష ఘటన : ‘‘ ఏయ్ ఇండియన్ నీ దేశానికి పో ’’ అంటూ సిక్కు వ్యక్తికి బెదిరింపు లేఖలు

ఆస్ట్రేలియాలో( Australia ) భారత సంతతికి చెందిన సిక్కు రెస్టారెంట్ యజమానిపై( Sikh Restaurateur ) జాత్యహంకార దాడి జరిగింది .

ఆయన కారుపై మలమూత్ర విసర్జన చేయడం, నీ దేశానికి (భారత్) వెళ్లిపో అంటూ జాత్యహంకార వ్యాఖ్యలు రాయడం కలకలం రేపింది.

తాస్మానియాలోని హోబర్ట్‌లో ‘‘ దావత్ ది ఇన్విటేషన్ ’’( Dawat – The Invitation ) రెస్టారెంట్‌ను నిర్వహిస్తున్న జర్నైల్ జిమ్మీ సింగ్( Jarnail Jimmy Singh ) గత 15 ఏళ్లుగా ఆస్ట్రేలియాలో నివసిస్తున్నాడు.అయితే గత రెండు మూడు నెలలుగా తనను కొందరు గుర్తు తెలియని వ్యక్తులు లక్ష్యంగా చేసుకున్నారని ఆవేదన వ్యక్తం చేశాడు.

తనకు వచ్చిన లేఖను ఓ యువకుడు రాసి వుంటాడని సింగ్ తొలుత భావించి తర్వాత దానిని పట్టించుకోలేదు.ఆ తర్వాత వరుసగా నాలుగైదు రోజులు తన కారు డోర్ హ్యాండిల్స్‌పై కుక్కల మలమూత్రాలు పూశారని.

తాను ప్రయాణించే మార్గంలో "Go home, Indian" అని రాశారని ఆయన తెలిపాడు.ఈ ఘటనలపై సింగ్ పోలీసులకు ఫిర్యాదు చేయడంతో పాటు తన ఇంటి వద్ద సీసీ కెమెరాలు అమర్చాడు.

అయినప్పటికీ ఆయనకు ద్వేషపూరిత లేఖలు వస్తూనే వున్నాయి.